Joxuwa 4:24 - Bhiblia Yo Sawuleka

²⁴ Kasi ku votshe vathu va ha mafuni, va txi ziva tito, dianza da Mkoma nda mtamo, kasi ku mi txi thava Mkoma, Txizimu txanu, otshe masiku.

Joxuwa 4:24 Referans Kwoze

Masalmo 106:8

Aniko Txizimu txi va hanyisile, kasi kudhumisa ditina da txona ni kumaha ti to wu txi ziwa mtamo wa txona.

Masalmo 89:13

Diwoko dako di ni mtamo, dianza dako di tsani, dianza dako da txinene di ni wurena!

1 Makronika 29:12

Se tithomba ni wudhumo si ta ngu kwako, awe wa fuma txitimwi ka sotshe, mtamo ni wukoma si manzani kwako; wa kulisa ni kuninga mtamo ka sotshe ngu manza ako.

2 Vafumeli 19:19

Konkuwa koko, awe Mkoma, Txizimu txathu, thumelwa ngu kuva u di hi txhatxhisile, ngu kumaha keto, yotshe mifumo ya ha mafuni yi na tiziva ti to ngawe wekha u Mkoma Txizimu.

Eksodha 15:16

Kuxamala ni kuthava ku na wa txitimwi kwawe; ngu wuhombe wa diwoko dako, va na maha siduma nga marigwi, kala vathu vako va txi txhatuka, awe Mkoma, kala va txi txhatuka vathu vale u nga va tirula.

Eksodha 14:31

Mbimo yi vanana va ka Israyeli va nga wona txitsayiso txa hombe txi Txizimu txi nga txi maha ka Vaegipta, va to thava Mkoma, ve kholwa kwakwe ni ka Mosi txithumi txakwe.

Dhewuteronome 6:2

Ngu toneto, thava Mkoma, Txizimu txako, kambe vekisa yotshe milayo yakwe, ni sirumo si nyamsi ni ku leletako, awe ni vanana vako, ni mtukulu wako, otshe masiku a kuhanya kwako, kasi ku masiku ako ma na anda.

Jeremiya 32:40

Ni na maha navo txitumelelano txi si gwitelwiko, ati taku kha ni na mbi va tshuralela, ni si leki ku va katekisa; ni veka txithavo txangu timbiluni kwawe, ti taku va si ngadi ve ni tshuralela.

Masalmo 89:7

Txizimu njo dingana kuthaviseka, ngutu msengeletanoni ka vasawuleki; txona nja hombe ni kuguletwa ngutu ngu votshe va txi randelako.

2 Vafumeli 5:15

Sekoko a to tshumelela ka m'thu wa Txizimu, ene ni votshe vale a nga ti ti navo, e ta bwaka masoni kwakwe a txi khene: Wona taku na tiziva taku ha mafuni kotshe kha ku na txizimu, hahanze ka Txizimu txa Israyeli. Konkuwa ni kombela u amukela txibongelo txa txithumi txako.

1 Samuwele 17:46

Kona nyamsi Mkoma a na kuningela manzani kwangu; se ni na kudaya, ni wila msungo; kambe sirumbi sa wugoveloni ka Vafilista ni na si ningela kona nyamsi ka sinyana sa nzumani, ni ka sihari sa ha mafuni; aniko mafu otshe ma na ziva taku Txizimu txiho kona Israyeli.

Eksodha 20:20

Se Mosi a to khene ka vathu: “Mi nga thaveni. Mkoma a to ta kasi ku ta mi duka, masoni kwanu, kasiku mi txi hambana ni txionho.”

Eksodha 9:16

se ngu mhaka ya toneto, ni ku lekile ni txi ku emisa kasi ku ni txi kukomba mtamo wangu, ni ti to ditina dangu di txi huwelelwa ha ditikoni kotshe.

Dhewuteronome 28:10

Se vathu va mafu otshe, va na ti wona ti to u dhanwa ngu ditina da Mkoma, va na kuthava.

1 Vafumeli 8:60

kasi votshe vathu va ha mafuni ve tiziva ti to Mkoma Njizimu, kha ku nga ni tximwani.

1 Vafumeli 8:40

Kasi veva ni txithavo otshe masiku aawa va no hanya, ka mafu ya u nga ninga vatate vathu.

Jobe 40:9

Mwendo u ni diwoko do nga da Txizimu, mwendo u nga bhonga ngu dipswi nga da txona kani?

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.