Joxuwa 4:19 - Bhiblia Yo Sawuleka

¹⁹ Vathu va to huma koko ngu Jordhani, ngu ditshiku da digumi ka mtxima wo khata; se va to ya gova Giligali, ngu diphambo da wutxani ka Jeriko.

Joxuwa 4:19 Referans Kwoze

Joxuwa 5:9

Mkoma a wombile kambe ka Joxuwa a txi khene: “Nyamsi ni thavisile kwanu tingana ta Egipta.” Ngu toneto, wukhalo wule, wu dhanwa ku i Giligali, kala ka ditshiku da nyamsi.

Mika 6:5

Anu vathu vangu, alakanyani makungo a Bhalake, mfumeli wa Mowabhi, ni ti a nga mxamula Bhalahamu, mwana Bheyori, kukhukhela Sitime kala Giligali; kasi ku mi ziva wululamo wa Mkoma.

Amosi 5:5

Kambe mi nga laveni Bheteli, mi nga engete mi ta kambe ka Giligali, mi nga pindeni ngu Bherisebha, nguko kha ditshuri Giligali a na yiswa wukhumbini, se Bheteli a na sala asi na txilo.

Amosi 4:4

Ngonani Bheteli, ndakani mlayo; mi engetela kundaka mlayo mi di Giligali, mixo ni mixo nahetani miphaxo yanu, ngu masiku mararu-mararu, mi neha sa wugumi sanu.

1 Samuwele 15:33

Aniko Samuwele a to khene: Kufana ni kule ditxhari dako di nga dayela vanana va vavasikati, ngu kumaha keto mwamwako nene a na dawa mwanana wakwe kufana ni vona. Sekoko Samuwele a to gangela Agage masoni ka Mkoma, kona Giligali.

Joxuwa 15:7

Muhingano wa pinda wu ya Dhebhiri, kukhukhela mkovani ka Akeri, wu txi ya wuphemba, wu txi komba kuya Giligali, ku ku masoni ka mnambo wa Adhomine, ku ku ngu wulambwe ka mlonga. Muhingano wuwa wu pinda, ngu ka mati a Ene-Semesi, wu txi gwitela Ene-Rogele.

Joxuwa 10:43

Sekoko Joxuwa ni votshe va ka Israyeli, va to tshumela ve wuya wugoveloni ka Giligali.

Joxuwa 10:6

Ti di ngeto, vathu va Gibheyoni va to rumela m'biko ka Joxuwa, wugoveloni ka Giligali, va txi kha vona: “U nga leke sithumi sako, kuluveta u txi ta kheno kwathu, kasi u ta hi hulukisa ni ku hi lwela, nguko votshe vafumeli va Vaamori, avale va nga aka mimangoni, va tshanganile kasi kutalwa ni nathu.”

Dhewuteronome 1:3

Se ku to maheka taku, ka dilembe da mune wa magumi, ka ditshiku do khata ka mtxima wa digumi ni wumwewo, Mosi a wombile ka vanana va ka Israyeli totshe ti Mkoma a nga mleleta, kasi ku e va gela,

Dhewuteronome 11:30

Ina mimango yiya kha yi maneki mtxhatuko ka Jordhani, ngu msana ka nzila ya mswa-ditambo, ditikoni ka Vakanana, avale va nga aka kona Arabhe, masoni ka Giligali, hafuhi ni mikusu ya More kani?

Joxuwa 4:18

Se ku to maheka taku, mbimo yile vaphaxeli vale va nga ti rwate dibhokiso da txitumelelano va nga huma ngu hagari ka mnambo wa Jordhani, mikondo ya vaphaxeli yi txi ema ka kuoma, mati a Jordhani ma to wuya ka wukhalo wa ona, ma txi khulunga ka sotshe sinambwana sa ona.

Joxuwa 5:10

Mbimo yile koko vanana va ka Israyeli va nga ti govile Giligali, va to maha txialakanyiso txa Pasika, ka ditshiku da digumi ni mune ka mtxima, ni minova, tibalani ka Jeriko.

2 Vafumeli 2:1

Ku to maheka taku mbimo yile Mkoma a nga lava kugula Elija ngu txivhunguvhungwani eya nzumani, Elija a to khukha Giligali kumweko ni Elizewu.

Joxuwa 9:6

Se va to ta wugoveloni ka Joxuwa, kona Giligali, va txi ya gela Joxuwa ni va ka Israyeli, va txi kha vona: “Hi ta ngu ditikoni ka kule, mahani koko konkuwa txitumelelano ni nathu.”

Joxuwa 24:11

“Se mi di txhatukile mnambo wa Jordhani, mi hoka Jeriko, aniko vaaki va Jeriko, va lwite ni nanu, Vaamori, Vaferezi, Vakanana, Vaheti, Vagergezi, Vahevhi, ni Vajebhusi, kambe ani ni va ningete manzani kwanu.

1 Samuwele 10:8

Awe koko, u na thangela masoni kwangu uya Giligali, se wona taku ani ni na kulondeta ngu msana, kasiku kuya maha miphaxo yo hiswa, ni kuningela mningelo wa kudikha; koneyo u naya ni emela mtxhanu wa masiku ni mambidi, kala kuza ni ta kwako ni ta kugela ti u feleko ku timaha.