Joxuwa 4:18 - Bhiblia Yo Sawuleka

¹⁸ Se ku to maheka taku, mbimo yile vaphaxeli vale va nga ti rwate dibhokiso da txitumelelano va nga huma ngu hagari ka mnambo wa Jordhani, mikondo ya vaphaxeli yi txi ema ka kuoma, mati a Jordhani ma to wuya ka wukhalo wa ona, ma txi khulunga ka sotshe sinambwana sa ona.

Joxuwa 4:18 Referans Kwoze

Joxuwa 3:15

Se mbimo yile avale va nga ti rwate dibhokiso va nga hoka mnamboni ka Jordhani, mikondo ya vaphaxeli vale va nga ti rwate dibhokiso yi to nakana likasani ka mati (nguko mnambo wa Jordhani wu ti ti thekelela sinambwanani ka wona, otshe masiku a kuelula),

Isaya 8:8

a na wulela ditikoni ka Judha kufana ni ndambi, e kukumuka kala mikoloni ka vathu. Kunawuluka ka tibhapi tako, ku na fenengeta kuanama ka ditiko dako, awe Emanuweli.

1 Makronika 12:15

Avava ngu va va nga txhatuka Jordhani ngu mtxima wo khata, mbimo yile mnambo wu nga ti khulunga ka sotshe sinambwana sa wona, ve tutumisa votshe vale va nga ti mikovani, veya wutxani ni mswa-ditambo.

Joxuwa 3:13

Nguko ku na maheka taku, mbimo yile mikondo ya vaphaxeli vale va rwalako dibhokiso da txitumelelano txa Mkoma, Mkoma wa otshe mafu, yi txi kanda mati a Jordhani, ma na wika mati a Jordhani, se mati ale ma relelako ngu txitimwi, ma na ema ma txi maha ndunduma.”

Joxuwa 4:17

Se Joxuwa a to gela vaphaxeli a txi khene: “Humani mnamboni ka Jordhani!”

Joxuwa 4:19

Vathu va to huma koko ngu Jordhani, ngu ditshiku da digumi ka mtxima wo khata; se va to ya gova Giligali, ngu diphambo da wutxani ka Jeriko.

Joxuwa 4:11

Se ku to maheka taku, ngako vathu votshe va di tshawunyetile, dibhokiso da txitumelelano txa Mkoma ni vaphaxeli, va to thangela masoni ka vathu.