Joxuwa 4:12 - Bhiblia Yo Sawuleka

¹² Se vanana va Rubheni, ni vanana va Gadhi, ni hafu ya lihunzu la ka Manasi, va to tshawunyeta na va di xomile, masoni ka vanana va ka Israyeli, nga ti Mosi a ngadi va gelisile tona;

Joxuwa 4:12 Referans Kwoze

Joxuwa 1:14

Vasikati vanu, vanana vanu, ni sifuyo sanu, si na sale ka ditiko dile Mosi a nga mi ninga, ngu didhawa dile da Jordhani; aniko anu mi na txhatuka mi di xomile, masoni ka vananu, votshe va tindena ni va mtamo, mi na va vhuna,

Eksodha 13:18

Konako, Txizimu, txi mahile ti to vathu va txi tenderuka ngu nzila ya txiwula hafuhi ni lineneni lo Bhilivila; kambe vanana va ka Israyeli va humile ngu ditikoni ka Egipta va di xomile.

Mitengo 1:24

Mbimo yi ku nga bhalelwa liveleko la vanana va Gadhi, ngu mimwaya yawe, madingano ni tinyumba ta vatate vawe, va bhatwe mmwani ni mmwani, ngu matina a votshe vavamna va magumi mambidi a malembe ni kuya masoni, va dinganako kuya yimbini.

Mitengo 32:17

Kambe athu hi na xoma matxhari, hi kuluvetela hi thangela va ka Israyeli, hiza hi teka makhalo awe, se ngu mhaka ya vazumbi va ditiko, vanana vathu va na sala ka madhoropa a mtamo.

Dhewuteronome 3:18

Ka txonetxo txikhati ani ni mi ningile txileleto txiya: “Mkoma, Txizimu txanu, a mi ningile ditiko diya, ti to di txi va i di thomba yanu. Anu tindena, vavamna va mtamo, mi na tsimbila mi di xomile masoni ka vananu, i ku vanana va ka Israyeli.

Dhewuteronome 33:21

Ene a ti sawulete didhawa do khata, awu i nga ti txyavelo txa vasungi va milayo. Ngene a tsimbilako ni vathangeli va vathu, awu a mahako kululama masoni ka Mkoma, ni sileleto sakwe ka va ka Israyeli!

Joxuwa 4:11

Se ku to maheka taku, ngako vathu votshe va di tshawunyetile, dibhokiso da txitumelelano txa Mkoma ni vaphaxeli, va to thangela masoni ka vathu.

Joxuwa 4:13

hafuhi ka 40.000 wa vavamna va yimbi, na va di xomile, va to pinda masoni ka Mkoma, va txi ya kulwani, mikovani ka Jeriko.