Joxuwa 4:11 - Bhiblia Yo Sawuleka

¹¹ Se ku to maheka taku, ngako vathu votshe va di tshawunyetile, dibhokiso da txitumelelano txa Mkoma ni vaphaxeli, va to thangela masoni ka vathu.

Joxuwa 4:11 Referans Kwoze

Joxuwa 3:8

Awe koko, u na leleta ka vaphaxeli vava va rwalako dibhokiso da txitumelelano, u txi khawe: Ngako mi txi hoka likasani ka mati a Jordhani, mi na ya ema kona mnamboni ka Jordhani.

Joxuwa 4:18

Se ku to maheka taku, mbimo yile vaphaxeli vale va nga ti rwate dibhokiso da txitumelelano va nga huma ngu hagari ka mnambo wa Jordhani, mikondo ya vaphaxeli yi txi ema ka kuoma, mati a Jordhani ma to wuya ka wukhalo wa ona, ma txi khulunga ka sotshe sinambwana sa ona.

Joxuwa 3:17

Aniko vaphaxeli vale va nga txi rwala dibhokiso da txitumelelano txa Mkoma, va to ema va txi hwe amu ka kuoma, hagari ka Jordhani; se votshe va ka Israyeli va to tshawunyeta na ku di omile, kala kuza votshe vathu va txi guma kutxhatuka Jordhani.

Joxuwa 4:10

Vaphaxeli vale koko va nga ti rwate dibhokiso, va to ema hagari ka Jordhani, kala kuza ti txi maheka totshe ti Mkoma a nga leletela ka Joxuwa, kasiku e gela vathu, madingano ni ti Mosi a nga gelisa tona Joxuwa. Sekoko vathu va to kuluveta va txi tshawunyeta.

Joxuwa 4:12

Se vanana va Rubheni, ni vanana va Gadhi, ni hafu ya lihunzu la ka Manasi, va to tshawunyeta na va di xomile, masoni ka vanana va ka Israyeli, nga ti Mosi a ngadi va gelisile tona;

Joxuwa 24:11

“Se mi di txhatukile mnambo wa Jordhani, mi hoka Jeriko, aniko vaaki va Jeriko, va lwite ni nanu, Vaamori, Vaferezi, Vakanana, Vaheti, Vagergezi, Vahevhi, ni Vajebhusi, kambe ani ni va ningete manzani kwanu.

Isaya 52:12

Nguko kha mi na mbi huma ngu kukuluveta, hambi kutsula ngu kututuma, nguko Mkoma a na thangela masoni kwanu, se Txizimu txa Israyeli, txi na mi londeta ngu msana.