Joxuwa 4:10 - Bhiblia Yo Sawuleka

¹⁰ Vaphaxeli vale koko va nga ti rwate dibhokiso, va to ema hagari ka Jordhani, kala kuza ti txi maheka totshe ti Mkoma a nga leletela ka Joxuwa, kasiku e gela vathu, madingano ni ti Mosi a nga gelisa tona Joxuwa. Sekoko vathu va to kuluveta va txi tshawunyeta.

Joxuwa 4:10 Referans Kwoze

Joxuwa 3:13

Nguko ku na maheka taku, mbimo yile mikondo ya vaphaxeli vale va rwalako dibhokiso da txitumelelano txa Mkoma, Mkoma wa otshe mafu, yi txi kanda mati a Jordhani, ma na wika mati a Jordhani, se mati ale ma relelako ngu txitimwi, ma na ema ma txi maha ndunduma.”

2 Vakorinto 6:2

Nguko, txona txi womba tiya: Ni ku engisile ngu mbimo ya yinene, kambe ni kuvhuni ngu ditshiku da kuhanyiswa. Ayiya ngu yona mbimo ya yinene, adiya ngu dona ditshiku da kuhanyiswa.

Isaya 28:16

Ngu mhaka yeto, Mkoma Txizimu a khene: Wonani taku ani ni vekile dirigwi Siyoni, dirigwi di koko di nga tumelwa, dirigwi da lisima da ha dikhonani, do tsana ngutu, kambe do tshima; awule a kholwako kha na mbi thava.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Mavingu 27:1

U nga ti thembisele ngu ditshiku da mangwana, nguko khu ti zivi ati di no kuninga ditshiku da mangwana.

Masalmo 119:60

Ni kuluvetile, kha na swela kuvekisa sirumo sako.

Dhewuteronome 31:9

Se Mosi a to bhala mlayo wuwa, e wu ningela ka vaphaxeli, vanana va Levhi, avale va nga ti rwala dibhokiso da txitumelelano txa Mkoma, kumweko ni otshe madhota a va ka Israyeli,

Eksodha 12:39

Va to bhika mapawu o mbi tshumbelwa, a fulaho yi va nga teka ditikoni ka Egipta, nguko mpupu wo vhuwa wu ti sa tshumbelwa: Ngu mhaka ya ku va nga huma ngu kututumiswa ngu Vaegipta mu ditikoni kwawe, kambe kha va sikota kuema ku txi lulamiswa timbuva to dya ni nzila.

Joxuwa 4:9

Joxuwa a to emisa mamwani marigwi a digumi ni mambidi hagari ka mnambo wa Jordhani, ka wukhalo wule va nga ti emile ka wona, vaphaxeli vale va nga ti rwate dibhokiso da txitumelelano; marigwiyo ma nga diho kala ka ditshiku da nyamsi.

Joxuwa 4:11

Se ku to maheka taku, ngako vathu votshe va di tshawunyetile, dibhokiso da txitumelelano txa Mkoma ni vaphaxeli, va to thangela masoni ka vathu.

Joxuwa 24:11

“Se mi di txhatukile mnambo wa Jordhani, mi hoka Jeriko, aniko vaaki va Jeriko, va lwite ni nanu, Vaamori, Vaferezi, Vakanana, Vaheti, Vagergezi, Vahevhi, ni Vajebhusi, kambe ani ni va ningete manzani kwanu.