Joxuwa 3:8 - Bhiblia Yo Sawuleka

⁸ Awe koko, u na leleta ka vaphaxeli vava va rwalako dibhokiso da txitumelelano, u txi khawe: Ngako mi txi hoka likasani ka mati a Jordhani, mi na ya ema kona mnamboni ka Jordhani.

Joxuwa 3:8 Referans Kwoze

Joxuwa 3:17

Aniko vaphaxeli vale va nga txi rwala dibhokiso da txitumelelano txa Mkoma, va to ema va txi hwe amu ka kuoma, hagari ka Jordhani; se votshe va ka Israyeli va to tshawunyeta na ku di omile, kala kuza votshe vathu va txi guma kutxhatuka Jordhani.

Joxuwa 3:3

se va to leleta ka vathu, va txi kha vona: “Ngako mi txi wona dibhokiso da txitumelelano txa Mkoma, Txizimu txanu, na di txi gulwa ngu vaphaxeli va Valevhi, khukhani nanu ka wukhalo wanu mi di londeta.

Sidilo 3:26

Ndinene ngako m'thu a txi laphisa mbilu a txi verela ngu kuthutha tito, Mkoma a na muhulukisa.

Nehemiya 13:28

Mmweyo ka vanana va Joyadha, mwana Eliyasibhe, mphaxeli wa hombe, i ti mwane wa Sambalati, muhoroni, ngu mhaka yeto, ni to mtovela masoni kwangu.

Nehemiya 13:22

Ni to gela Valevhi kuva txi ti sawulekisa, niku ve ta wonelela sike, kasi kusawulekisa ditshiku da Sabbata. (Ka tona eto kambe, awe Txizimu txangu, ni alakanye, u ni divalela ngu wunene wako wawungi.)

2 Makronika 30:12

Dianza da Txizimu di ti ti txitimwi ka vathu va ka Judha, di va ninga mbilu yimweyo yo maha kuruma ka mfumeli ni ka vathangeli madingano ni dipswi da Mkoma.

2 Makronika 29:30

Se mfumeli Ezekhiya ni vathangeli, va to gela Valevhi ti to va fanela kudhumisa Mkoma, ngu mapswi a Dhavhidha, ni a Asafe, m'huti. Se Valevhi va to m'dhumisa ngu kutsaka, ve khizama, ve mkhozela.

2 Makronika 29:27

Ezekhiya a to leleta ti to ve khata kuhumisa mningelo wo hiswa txitimwi ka txiluvelo, se mbimo yi va nga khata kuhumisa mningelo wo hiswa, va to khata ni kuembelela tindando to dhumisa Mkoma, ngu mipundu ni sivetaveta sa Dhavhidha, mfumeli wa Israyeli.

2 Makronika 29:15

Va to sengeleta vanawe, ve ti basisa se ve wuya mandingano ni kuruma ka mfumeli ngu dipswi da Mkoma, ve ta basisa Nyumba ya Mkoma.

Eksodha 14:13

Kambe Mosi a to khene ka vathu: “Mi nga thaveni; manekani mi di tsani, nguko nyamsi mi na wona ti Mkoma a no mi hulukisisa tona; nguko Vaegipta vava mi va wonako nyamsi, kha mi na mbiswa mi txi va wona kambe.

Joxuwa 3:7

Se Mkoma a to khene ka Joxuwa: Nyamsi ni na khata ku kukulisa masoni ka votshe va ka Israyeli, kasi kuve ziva tito, ni na va kumweko ni nawe, nga kule ni ngava kumweko ni Mosi.

Joxuwa 3:9

Sekoko Joxuwa a to khene ka vanana va ka Israyeli: “Tshuketani kheno, mi txi ta engisa mapswi a Mkoma, Txizimu txanu.”

2 Vafumeli 2:6

Se Elija a to khene ka Elixa: Sala kona hawa, Mkoma a ni rumile kuya Jordhani. Aniko ene a to khene: Ni xambanya ngu Mkoma a hanyako, ni moya wako wu hanyako, kha ni na mbi kusiya. Se ngu kumaha keto va to tsula votshe.

Joxuwa 4:11

Se ku to maheka taku, ngako vathu votshe va di tshawunyetile, dibhokiso da txitumelelano txa Mkoma ni vaphaxeli, va to thangela masoni ka vathu.