Joxuwa 3:5 - Bhiblia Yo Sawuleka

⁵ Joxuwa a to khene kambe ka vathu: “Ti sawulekiseni, nguko mangwana Mkoma a na maha sidiwukiso hagari kwanu.”

Joxuwa 3:5 Referans Kwoze

Joxuwa 7:13

Khukha u txi ya sawulekisa vathu, u txi khawe kwawe: Ti sawulekiseleni ditshiku da mangwana, nguko Mkoma, Txizimu txa Israyeli, a womba tiya: Kurukwa kuho hagari kwanu va ka Israyeli; kha mi na mbi sikota kutsana masoni ka valala vanu, kala kuza mi txi thavisa txiruko hagari kwanu.

Levhi 20:7

Ti maheni vavanene ni ku ti maha vasawuleki, nguko ani ngani Mkoma Txizimu txanu.

Joyeli 2:16

Sengeletani vathu, sawulekisani msengeletano, patani madhota, sengeletani timenzani ni vale va mamako; a na hume mteki ngu ndangani kwakwe ni mtekiwa ngu phanzekelani kwakwe.

1 Samuwele 16:5

Se ene a to khene: Ni ta ngu kudikha; ni tete ku ta phaxela ka Mkoma. Ti sawulekiseni mi tsula ni nani mphaxoni. Se a to sawulekisa Jese ni vanana vakwe, e va ramba ku veya mphaxoni.

Johani 17:19

Se ni sawulekisele vona, ti to ni vona ve sawulekiswa ditshurini.”

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

Masalmo 86:10

Nguko ngawe wekha u ku Txizimu! Ngawe u ku wa hombe, u mahako sidiwukiso!

Jobe 1:5

Ku ti ti maheka ti to, ma di pindile masiku ale a mibuso yawe, Jobe a ti ko rumisa ti to, ve sawulekiswa, se e wuka ngu mabimbi-kutxa, e ningela miphaxo, madingano ni mtengo wawe votshe; nguko Jobe a ti ti khene: Va nga nda dhuka va di onhile vanana vangu se ve ruketela Txizimu timbiluni kwawe. Jobe a ti ti mahisa toneto yotshe mbimo.

Joxuwa 3:13

Nguko ku na maheka taku, mbimo yile mikondo ya vaphaxeli vale va rwalako dibhokiso da txitumelelano txa Mkoma, Mkoma wa otshe mafu, yi txi kanda mati a Jordhani, ma na wika mati a Jordhani, se mati ale ma relelako ngu txitimwi, ma na ema ma txi maha ndunduma.”

Joxuwa 3:15

Se mbimo yile avale va nga ti rwate dibhokiso va nga hoka mnamboni ka Jordhani, mikondo ya vaphaxeli vale va nga ti rwate dibhokiso yi to nakana likasani ka mati (nguko mnambo wa Jordhani wu ti ti thekelela sinambwanani ka wona, otshe masiku a kuelula),

Mitengo 11:8

Vathu va txi hangalaka ve tsimbila va txi rolela manna ve ma gaya ngu txigayo, ni ku ma sinza ngu ka dithudi; ve ma bhika khadini ve ma maha makhekhe; se kutshamba ka ona ma ti ti fana ni dikhekhe do kanyangelwa ni mtona.

Joxuwa 3:4

Ku nave ni kudhawukana hagari kwanu ni dibhokiso, ko dingana 2.000 wa mikono; kambe mi nga tshuketeni hafuhi ka dona, kasi ku mi ziva nzila yi mi no tsula ngu yona; nzila yaku kha mi nzivi ka nga tsimbila ngu yona.”

Joxuwa 3:6

Se Joxuwa a to womba ka vaphaxeli a txi khene: “Gulani dibhokiso da txitumelelano, mi txi thangela masoni ka vathu vava.” Va to gula koko dibhokiso da txitumelelano, va txi thangela masoni ka vathu.

Masalmo 77:15

Ngu mtamo wako u ponisile vathu vako, i ku liveleko la Jakobe ni la Josefa.