Joxuwa 3:17 - Bhiblia Yo Sawuleka

¹⁷ Aniko vaphaxeli vale va nga txi rwala dibhokiso da txitumelelano txa Mkoma, va to ema va txi hwe amu ka kuoma, hagari ka Jordhani; se votshe va ka Israyeli va to tshawunyeta na ku di omile, kala kuza votshe vathu va txi guma kutxhatuka Jordhani.

Joxuwa 3:17 Referans Kwoze

Eksodha 14:29

Ti di ngeto, va ka Israyeli va to pinda ngu hagari ka Linene la kuoma; mati ma ti mahile diguma ngu txinene ni txibhabha.

Eksodha 14:22

Se vanana va ka Israyeli va to wulela ngu hagari ka linene, na mati ma di phwite; mati ma to maha maguma mambidi, dimwani txineneni ni dimwani txibhabha.

Masalmo 66:6

Txi hindute linene li maha mafu a kuoma; vakale vathu va tshawunyetile mnambo ngu mikondo. Ngu toneto, a hi tsakeni!

Isaya 25:8

A na fuvisa lifo ngu ha ku si gwitiko, ngu kumaha keto, Mkoma Txizimu, a na bahula mirongo ka totshe tikhohe, kambe a na thavisa tingana ta vathu vakwe kotshe ha mafuni, nguko Mkoma a wombile.

2 Vafumeli 2:8

Sekoko Elija a to peta dijasi dakwe, e peka mati, me abaneka ngu madhawa mambidi, va to txhatuka ngu wumbidi wawe, ku ti omile.

Joxuwa 4:3

kambe va leleteni mi txi khanu: Tekani kona hagari hawa ka Jordhani, ka wukhaloni wule vaphaxeli va nga ti emile kona, digumi da marigwi ni mambidi; mi txi rwala mi tsula nawo ka dimwani didhawa, kasi ku mi txi ya ma veka ka wukhalo wule mi no ya otela ka wona wusiku wuwa.”

Vahebheru 11:29

Ngu likholo, va tshawunyetile Linene lo Bhilivila, nga vo tsimbila txitimwi ka mafu a kuoma; kasi Vaegipta, ngako va txi duketa kumaha toneto ni vona, va to mitwa ngu linene.

Eksodha 14:21

Sekoko Mosi a to nawuluta dianza dakwe txitimwi ka linene, se Mkoma a to abanisa mati ka wotshe wusiku wule, ngu moya wa mtamo, wa kuta ngu wutxani; se linene li txi maneka li di omile.

Mitengo 33:51

Gela vanana va ka Israyeli u txi khawe: Aha mi no va mi di txhatukile mnambo wa Jordhani, miya ditikoni ka Kanana,

Joxuwa 4:1

Ku to maheka koko taku, na votshe vathu va di txhatukile mnambo wa Jordhani, Mkoma e womba ka Joxuwa a txi khene:

Joxuwa 4:22

Mi na txhamusela ka vanana vanu mi txi khanu: Israyeli a tshawunyetile Jordhani muwa, na ku di omile.

Joxuwa 4:10

Vaphaxeli vale koko va nga ti rwate dibhokiso, va to ema hagari ka Jordhani, kala kuza ti txi maheka totshe ti Mkoma a nga leletela ka Joxuwa, kasiku e gela vathu, madingano ni ti Mosi a nga gelisa tona Joxuwa. Sekoko vathu va to kuluveta va txi tshawunyeta.

Joxuwa 4:11

Se ku to maheka taku, ngako vathu votshe va di tshawunyetile, dibhokiso da txitumelelano txa Mkoma ni vaphaxeli, va to thangela masoni ka vathu.

Joxuwa 5:1

Se ku to maheka taku, va di ti engisile votshe vafumeli va Vaamori, avale va nga ti akile mtxhatuko ka Jordhani, ngu mswa-ditambo, ni votshe vafumeli va Vakanana, avale va nga ti hafuhi ni linene lile Mkoma a nga ti omisile mati a Jordhani, masoni ka vanana va ka Israyeli, kala kuza hi pinda, timbilu tawe ti to txutxeka, ve wika misana ngu mhaka ya vanana va ka Israyeli.