Joxuwa 3:16 - Bhiblia Yo Sawuleka

¹⁶ ma to ema mati ale ma nga txi relela ngu txitimwi; me maha mmumbu, kule ngutu ni didhoropa da Adhani, di ku ngu didhawa ka Saretani; se ale ma nga ti ti relela ma txi ya Mikovani ka linene, i ku Linene la Mnyu, ma to wika, ma txi ema otshe; sekoko vathu va to txhatuka ngu masoni ka Jeriko.

Joxuwa 3:16 Referans Kwoze

Joxuwa 3:13

Nguko ku na maheka taku, mbimo yile mikondo ya vaphaxeli vale va rwalako dibhokiso da txitumelelano txa Mkoma, Mkoma wa otshe mafu, yi txi kanda mati a Jordhani, ma na wika mati a Jordhani, se mati ale ma relelako ngu txitimwi, ma na ema ma txi maha ndunduma.”

1 Vafumeli 7:46

Libalani ka Jordhani, mfumeli asi nyekisile ngu mafu a ndope, hagari ka Sukote ni Saretani.

1 Vafumeli 4:12

Bhahana, mwana wa Ayiludhi, a ti ni Tahanake, ni Megidhu, ni dotshe da Bheti-Seyani, ku ku hafuhi ni Zaritana, hahatshi ka Jezreyele, kukhukhela Bheti-Seyani kala Abhele-Meyola, kala kambe magwito ka Jokimeyami;

Genesisi 14:3

Votshe vafumeli vava, va to tshangana mkovani ka Sidhime, i ku Linene la Mnyu.

Masalmo 114:3

Mbimo yi linene li nga oma, li to thava se mnambo wa Jordhani wu tshumelela msana.

Dhewuteronome 1:1

Aawa, mapswi ale Mosi a nga xawutela ka votshe va ka Israyeli, mtxhatuko ka Jordhani, txiwulani, ka libala li ku masoni ka Sufe, ngu hagari ka Parani, ni Tofela, ni Labhani, ni Hazerote, ni Dhizahabhi.

Mitengo 34:3

Didhawa da wulambwe, di na khukhela ka txiwula txa Zini, kala ka mihingano ya Edhomi; se m'hingano wa wulambwe wu na khukhela magwito ka Linene la Mnyu, kala ka didhawa da wutxani.

Masalmo 77:19

U tute nzila yako hagari ka linene; u tsimbila ngu hagari ka mati o khulunga, aniko ni wammweyo kha nga wona mkondo wako.

Masalmo 74:15

U khulongisile sisima ni milonga u txi womisa minambo ya mati a mtamo.

Masalmo 66:6

Txi hindute linene li maha mafu a kuoma; vakale vathu va tshawunyetile mnambo ngu mikondo. Ngu toneto, a hi tsakeni!

Masalmo 29:10

Mkoma wa fuma txitimwi ka ndambi; Mkoma a na fuma kala kupinduka!

Joxuwa 15:2

Muhingano wa kona wa wulambwe, wu khukhela magwito ka Linene la Mnyu, ngu didhawa ka yiphwa, ayi yi wonanako ni wulambwe,

Dhewuteronome 3:17

Ni va ningile kambe Arabha ni Jordhani, i ku muhingano wa kukhukhela Kinereta, kala ka Linene la Arabha, i ku Linene la Mnyu, hafuhi ka mkova wa wutxani.

Eksodha 14:21

Sekoko Mosi a to nawuluta dianza dakwe txitimwi ka linene, se Mkoma a to abanisa mati ka wotshe wusiku wule, ngu moya wa mtamo, wa kuta ngu wutxani; se linene li txi maneka li di omile.

Masalmo 33:7

A tshanganisile mati a linene ka wukhalo wumwewo; minambo ni maziva ka makhalo ya kona.

Masalmo 114:5

Awe linene, nji txani txi ku mahako u tutuma kani? Awe Jordhani, ngu kutxani u tshumelela msana kani?

Isaya 50:2

Ngu kutxani ni ngata ni si ta mana m'thu kani? Ngu kutxani ni nga mi dhana, ku si oroveli ni wammweyo kani? Ina dianza dangu di to khwanyela, niza ni si sikoti kutirula kani? Ni ku mwendo kha ni ngadi ni mtamo kasi kutxhatxhisa kani? Wonani taku, ngu kukawuka kwangu na omisa linene, ni maha ti to minambo yi hunduluka yiva siwula, kala kuza sihaka sa kona si nunga, nguko kha ku nga ni mati, se sa fa ngu ditora.

Ezekhiyele 47:8

Sekoko a to khene kwangu: Mati awa ma khulungela kuya wutxani, ma relela me ya tithembweni, ma txi ya wulela lineneni; se ma txi hoka lineneni, ma na ya va mrende ka mati a lineneni.

Nahume 1:4

Mkoma wa tolovela kukawuka linene, a txi li omisa, kambe wa phwisa yotshe minambo; wa tsivata Bhasani ni Karmeli, se txiluva txa Libhanoni wa txi wunisa.

Habhakuki 3:8

Ina Mkoma u ngava u txi henyela minambo kani? Ina mwendo u henyete sinambwana, ni ku mwendo u henyete linene, ka kuza u tsimbila u di gadhile mahantxhi ako, u kwela sikotxikani sako so hulukisa kani?

Eksodha 14:22

Se vanana va ka Israyeli va to wulela ngu hagari ka linene, na mati ma di phwite; mati ma to maha maguma mambidi, dimwani txineneni ni dimwani txibhabha.

Eksodha 14:29

Ti di ngeto, va ka Israyeli va to pinda ngu hagari ka Linene la kuoma; mati ma ti mahile diguma ngu txinene ni txibhabha.

Eksodha 15:8

Ngu kufuteta ka moya wako mati a linene ma to abaneka; mavimbi ma to ema ma txi maha maguma; mati ale ma khulungako ma to ema ma txi banga.

Joxuwa 4:22

Mi na txhamusela ka vanana vanu mi txi khanu: Israyeli a tshawunyetile Jordhani muwa, na ku di omile.

Joxuwa 5:1

Se ku to maheka taku, va di ti engisile votshe vafumeli va Vaamori, avale va nga ti akile mtxhatuko ka Jordhani, ngu mswa-ditambo, ni votshe vafumeli va Vakanana, avale va nga ti hafuhi ni linene lile Mkoma a nga ti omisile mati a Jordhani, masoni ka vanana va ka Israyeli, kala kuza hi pinda, timbilu tawe ti to txutxeka, ve wika misana ngu mhaka ya vanana va ka Israyeli.

Joxuwa 12:3

ni kukhukhela libalani kala lineneni ka Kineroti wa wutxani, ni kala kuya hoka Lineneni ka Mnyu, ngu wutxani ngu didhawa da Bheti-Jerimoti, ni wulambwe ngu hahatshi ka mikova ya Pisiga.

Joxuwa 16:7

se wu txi relela ngu Janowa kala Atarote ni Naharati, wu txi pinda ngu Jeriko, wu txi ya gwitela Jordhani.

Valamuli 7:22

Ngako avale va 300 va nga ti veta mipundu, Mkoma a to maha a tito, wugoveloni kotshe ka Vamidhiyani mmwani ni mmwani va txi bhayana ngu matxhari ni mkwawe. Votshe vathu va yimbi va to thava kala Bheti-Sita, hafuhi ni Zerera, kala m'hinganoni ka Abhele-Mawola, masoni ka Tabhati.

Masalmo 78:13

Txi tute linene, kasiku vona ve txhatuka, txi emisile mati, ma txi nga diseta.