Joxuwa 3:15 - Bhiblia Yo Sawuleka

¹⁵ Se mbimo yile avale va nga ti rwate dibhokiso va nga hoka mnamboni ka Jordhani, mikondo ya vaphaxeli vale va nga ti rwate dibhokiso yi to nakana likasani ka mati (nguko mnambo wa Jordhani wu ti ti thekelela sinambwanani ka wona, otshe masiku a kuelula),

Joxuwa 3:15 Referans Kwoze

1 Makronika 12:15

Avava ngu va va nga txhatuka Jordhani ngu mtxima wo khata, mbimo yile mnambo wu nga ti khulunga ka sotshe sinambwana sa wona, ve tutumisa votshe vale va nga ti mikovani, veya wutxani ni mswa-ditambo.

Jeremiya 49:19

A na woneka sixaxani Jordhani nga ngonyamo, a txi lwisa wukhalo wa mtamo; nguko, ngu mbimwanyana, ni na mtutumisa hale; niku i mani ni no msawula ni txi m'veka txitimwi kwakwe kani? Nguko i mani a fananako ni nani! I mani a no ni vekela mbimo kani? I mani m'dyisi wu a no ni tsiveta kani?

Jeremiya 12:5

Ngako u txi palisana ni vathu ngu kututuma, ve kusiya, ina u nga palisanisa kutxani ni mahantxhi kani? U si nga ni kuzumbiseka ditikoni ko thutha, u nga mahisa kutxani txigotoni ka Jordhani kani?

Joxuwa 4:18

Se ku to maheka taku, mbimo yile vaphaxeli vale va nga ti rwate dibhokiso da txitumelelano va nga huma ngu hagari ka mnambo wa Jordhani, mikondo ya vaphaxeli yi txi ema ka kuoma, mati a Jordhani ma to wuya ka wukhalo wa ona, ma txi khulunga ka sotshe sinambwana sa ona.

Joxuwa 3:13

Nguko ku na maheka taku, mbimo yile mikondo ya vaphaxeli vale va rwalako dibhokiso da txitumelelano txa Mkoma, Mkoma wa otshe mafu, yi txi kanda mati a Jordhani, ma na wika mati a Jordhani, se mati ale ma relelako ngu txitimwi, ma na ema ma txi maha ndunduma.”

Isaya 26:6

Mkondo wu na di ganyatela: Mikondo ya vaxaniseki mazambo a sisiwana.

2 Vafumeli 2:6

Se Elija a to khene ka Elixa: Sala kona hawa, Mkoma a ni rumile kuya Jordhani. Aniko ene a to khene: Ni xambanya ngu Mkoma a hanyako, ni moya wako wu hanyako, kha ni na mbi kusiya. Se ngu kumaha keto va to tsula votshe.

Nahume 1:4

Mkoma wa tolovela kukawuka linene, a txi li omisa, kambe wa phwisa yotshe minambo; wa tsivata Bhasani ni Karmeli, se txiluva txa Libhanoni wa txi wunisa.

1 Makronika 12:16

Vanana vokari va ka Bhenjamini ni va ka Judha, ni vona va toya mkhokholani ka Dhavhidha.