Joxuwa 3:14 - Bhiblia Yo Sawuleka

¹⁴ Se ku to maheka taku, mbimo yi vathu va nga huma ngu matendani kwawe, kasiku ve txhatuka Jordhani, vaphaxeli va ti ti rwate dibhokiso da txitumelelano, ve thangela masoni ka vathu.

Joxuwa 3:14 Referans Kwoze

Vahebheru 9:4

Amuwa ku nga ti ni digandelo do mahwa ngu nzalama, do hisela kona dibaselo, ni dibhokiso da txitumelelano, wa kukopolwa wotshe ngu nzalama, mtundu wu wu ti ni txikadyana txa nzalama, txi nga ti ni manna, ni ndonga ya Aroni, yi yi nga ti mite mazokoro, ni sileti sa simbidi sa txitumelelano.

Jeremiya 3:16

Nga ha anu mi txi endeleka mi tala ditikoni ka onayo masiku, kuwomba Mkoma, kha ku na mbiswa kambe kuwombwa txilo ngu dibhokiso da Txitumelelano txa Mkoma; kha va na mbi ngadi ve di alakanya hambi kupfa kulula, kambe kha va na mbi maha dimwani.

Masalmo 132:8

Wuka Mkoma, nyumbani kwako ko humula, awe ni mtundu wa mtamo wako.

Joxuwa 6:6

Sekoko Joxuwa, mwana Nune, a to dhana vaphaxeli, a txi va gela tiya: “Rwalani dibhokiso da txitumelelano; mtxhanu wa vaphaxeli ni vambidi, va na teke mtxhanu wa titshodi ni timbidi ta titxheho ta tihamba, va txi thangela masoni ka dibhokiso da Mkoma.”

Joxuwa 3:6

Se Joxuwa a to womba ka vaphaxeli a txi khene: “Gulani dibhokiso da txitumelelano, mi txi thangela masoni ka vathu vava.” Va to gula koko dibhokiso da txitumelelano, va txi thangela masoni ka vathu.

Joxuwa 3:3

se va to leleta ka vathu, va txi kha vona: “Ngako mi txi wona dibhokiso da txitumelelano txa Mkoma, Txizimu txanu, na di txi gulwa ngu vaphaxeli va Valevhi, khukhani nanu ka wukhalo wanu mi di londeta.

Dhewuteronome 31:26

“Amukelani dibhuku diya da Mlayo, mi txi di veka hafuhi ni dibhokiso da txitumelelano txa Mkoma, Txizimu txanu, di na maha fakazi masoni kwanu.

Joxuwa 24:11

“Se mi di txhatukile mnambo wa Jordhani, mi hoka Jeriko, aniko vaaki va Jeriko, va lwite ni nanu, Vaamori, Vaferezi, Vakanana, Vaheti, Vagergezi, Vahevhi, ni Vajebhusi, kambe ani ni va ningete manzani kwanu.