Joxuwa 3:13 - Bhiblia Yo Sawuleka

¹³ Nguko ku na maheka taku, mbimo yile mikondo ya vaphaxeli vale va rwalako dibhokiso da txitumelelano txa Mkoma, Mkoma wa otshe mafu, yi txi kanda mati a Jordhani, ma na wika mati a Jordhani, se mati ale ma relelako ngu txitimwi, ma na ema ma txi maha ndunduma.”

Joxuwa 3:13 Referans Kwoze

Eksodha 15:8

Ngu kufuteta ka moya wako mati a linene ma to abaneka; mavimbi ma to ema ma txi maha maguma; mati ale ma khulungako ma to ema ma txi banga.

Masalmo 78:13

Txi tute linene, kasiku vona ve txhatuka, txi emisile mati, ma txi nga diseta.

Habhakuki 3:15

Awe ni mahantxhi ako mi tsimbite ngu linene, ngu ka mavimbi a hombe.

Masalmo 33:7

A tshanganisile mati a linene ka wukhalo wumwewo; minambo ni maziva ka makhalo ya kona.

Joxuwa 3:11

Wonani taku, dibhokiso da txitumelelano txa Mkoma wa otshe mafu, di na thanga di txhatuka ka mnambo wa Jordhani, masoni kwanu.

Joxuwa 4:7

Sekoko mi na va gela ku khanu: “Mati a mnambo wa Jordhani ma to abaneka masoni ka dibhokiso da txitumelelano txa Mkoma, mbimo yi dibhokiso wu nga txi tshawunyeta Jordhani, ngu kumaha keto, marigwi awa, ma na maha txialakanyiso ka vanana va ka Israyeli, ngu ha ku si gwitiko!”

Masalmo 74:15

U khulongisile sisima ni milonga u txi womisa minambo ya mati a mtamo.

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Zakariya 4:14

Sekoko ene a to khene kambe: Avava ngu vale vavambidi va nga totwa, va ku masoni ka Mkoma wa otshe mafu.