Joxuwa 24:8 - Bhiblia Yo Sawuleka

⁸ Sekoko ani ni mi wuyisile mi txi ta wulela ditikoni ka Vaamori, ava va nga ti akile mtxhatuko ka Jordhani, vona va lwile ni nanu, kambe ani ni va ningete manzani kwanu, kala kuza mi txi teka ditiko dawe, se ani ni va lovisile masoni kwanu.

Joxuwa 24:8 Referans Kwoze

Nehemiya 9:22

Kambe u va ningile mifumo ni matiko, u va ambanisela tithomba; se vona va to teka ditiko da Seyoni, i ku ditiko da mfumeli wa Hesibhoni, ni ditiko da Oge, mfumeli wa Bhasani.

Joxuwa 13:10

ni madhoropa otshe a Seyoni, mfumeli wa Vaamori, awule a nga ti fumile Hesibhoni, kala muhinganoni ka vanana va ka Amoni:

Dhewuteronome 2:32

Seyoni a to ti huma ni vathu vakwe votshe e hi hingeta, kasi kutalwa ni nathu kona Jahaza.

Eksodha 23:23

Ngelozi yangu yi na kuthumela masoni kwako, kambe yi na kuyisa ditikoni ka Vaamori, ka Vaheti, ka Vaferezi, ka Vakanana, ka Vahevhi ni ka Vajebhusi, ani ni na va lovisa.

Amosi 2:9

Kasi ngani ni nga va lovisela Vaamori, vathu vo lapha ku nga mindonga ya mikedhari, ni mitamo yo nga ya mikusu; kambe ni hoxotile mihando yawe ya txitimwi, ni mitwi yakwe ngu hahatshi.

Amosi 2:10

Kambe ni mi humisile ditikoni ka Egipta, se ni mi tsimbitisile mune wa magumi a malembe txiwulani, kasi ku mi mana ditiko da Vaamori.