Joxuwa 24:25 - Bhiblia Yo Sawuleka

²⁵ Ka ditshikudo, Joxuwa a mahile txitumelelano ni vathu; a to va vekela mithetho ni milayo kona Sikemi.

Joxuwa 24:25 Referans Kwoze

Eksodha 15:25

Se Mosi a to dila ka Mkoma, se Mkoma a to mkomba txipulangwana, Mosi a to txi rola e txi txi vinza matini, se mati ma to maha o lombela; konaho Mkoma a to va ninga sileleto ni sirumo, ngu kona hale a nga va xola kona.

Nehemiya 9:38

Se ka totshe eto, hi mahile txitumelelano txo tsana, hi txi bhate; se vathangeli vathu, ni Valevhi vathu, ni vaphaxeli vathu va txi tsanisile.

2 Makronika 23:16

Se Joyadha a to maha txitumelelano hagari kwakwe ni vathu ni mfumeli, ti to vona va na va vathu va Mkoma.

2 Vafumeli 11:17

Se Joyadha a to maha txitumelelano hagari ka Mkoma, ni mfumeli ni vathu, ati taku va nave vathu va Mkoma. Ni txitumelelano hagari ka mfumeli ni vathu.

2 Makronika 29:10

Konkuwa mbiluni kwangu ni alakanya ti to hi maha txitumelelano ni Mkoma, Txizimu txa Israyeli, kasi ku kuhenya ka Mkoma kuhambuka kwathu.

2 Makronika 15:15

Votshe va ka Judha va to tsaka ngu kuxambanya kwawe, nguko va xambayile ngu timbilu tawe totshe, ni ngu kuranda kwawe va mu lavile va mmani; se Mkoma a to va ninga kudikha ngu madhawa otshe.

2 Makronika 15:12

Ve wulela ka txitumelelano txo lava Mkoma, Txizimu txa vatate vawe, ngu timbilu tawe totshe ni mihefemulo yawe yotshe,

Joxuwa 24:26

Joxuwa a bhate mapswiyo amu ka dibhuku da mlayo wa Txizimu. Ngu msana a to teka dirigwi da hombe e di emisa konaho, hahatshi ka mkusu, wu nga ti hafuhi ka nyumba yo sawuleka ya Mkoma.

Joxuwa 24:1

Msana keto, Joxuwa a to tshanganisa totshe tihunzu ta va ka Israyeli kona Sikemi, a to ramba otshe madhota a ka Israyeli, ni vathangeli vawe, ni valamuli vawe, ni votshe vathangeli vawe va yimbi; vona va to ya maneka masoni ka Txizimu.

Dhewuteronome 29:1

Aawa mapswi nga txitumelelano, aawa Mkoma a nga ruma Mosi ti to e ma womba ka vanana va ka Israyeli, ditikoni ka Mowabhi, hahanze ka txitumelelano txi a nga txi maha navo, mmangoni ka Horebhi.

Eksodha 24:3

A di wuyile koko Mosi a to ta txhamusela ka vathu mapswi a Mkoma ni sotshe sileleto, sekoko vathu va to xamula ngu dipswi dimwedo. Va to kha vona: “Otshe mapswi ale Mkoma a nga ma womba, hi na ma maha.”

Genesisi 35:4

Sekoko vona va to ningela ka Jakobe sotshe sithombe sa sizimu sa vamatiko, asi va nga ti naso, ni singeda ati va nga ti nato tinzeveni kwakwe, se Jakobe a to si kelela hahatshi ka mkusu wu wu nga ti hafuhi ni didhoropa da Sikemi.