Joxuwa 24:21 - Bhiblia Yo Sawuleka

²¹ Ti di ngeto, vathu va xamute ka Joxuwa va txi kha vona: “Lambi! Athu hi na khozela Mkoma dwe.”

Joxuwa 24:21 Referans Kwoze

Isaya 44:5

Awuwa a na khene: Ani ni wa Mkoma; awule a na ti dhana ngu ditina da Jakobe; se awule mmwani a na bhala ngu dianza, taku: Ani ni wa Mkoma; se txibongo txakwe, a na teka ditina da Israyeli.

Eksodha 20:19

Va to womba ka Mosi, va txi kha vona: “Awe womba-womba ni nathu, hi na engisa; aniko txi nga womba-wombe Txizimu ni nathu, kasi ku hi si fi.”

Eksodha 19:8

Sekoko votshe vathu va to xamula, va txi kha vona: “Totshe ti Mkoma a nga ti womba, hi na ti maha.” Se Mosi a to ma txhamusela ka Mkoma mapswi a vathu votshe.

Dhewuteronome 26:17

Nyamsi u tsanisile ti to Mkoma, ngene i ku Txizimu txako, ni ti to u na tsimbila ngu tinzila takwe, ni kuvekisa milayo yakwe, ni sileleto sakwe, ni sirumo sakwe, ni kuengisa dipswi dakwe.

Eksodha 24:7

A to teka dibhuku da txitumelelano e di gonda masoni ka vathu; se vathu va to xamula, va txi kha vona: “Totshe ti Mkoma a nga ti womba athu hi na ti tumela kambe hi na ti thuma.”

Eksodha 24:3

A di wuyile koko Mosi a to ta txhamusela ka vathu mapswi a Mkoma ni sotshe sileleto, sekoko vathu va to xamula ngu dipswi dimwedo. Va to kha vona: “Otshe mapswi ale Mkoma a nga ma womba, hi na ma maha.”

Joxuwa 24:20

Ngako mi txi hambana ni Mkoma, mi txi khozela simwani sizimu, ene a na mi wukela, a txi mi tsayisa, a txi mi fuvisa, hambiko a nga khata ngu ku mi mahela wunene.”

Joxuwa 24:22

Sekoko Joxuwa a wombile ka vathu a txi khene: “Anu mipune mi tifakazi ka ti to mi ti sawulete kukhozela Mkoma!