Joxuwa 24:2 - Bhiblia Yo Sawuleka

² Konako Joxuwa a to womba ka vathu votshe, a txi khene: Mkoma, Txizimu txa ka Israyeli, a khene: Mtxhatuko ka Jordhani va zumbile kona vatate vanu, kukhatani, ene Tera, tate wa Abrahamu ni wa Nakori, se vona va to khozela simwani sizimu.

Joxuwa 24:2 Referans Kwoze

Joxuwa 24:15

Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

Genesisi 31:30

“Konkuwa, wa tsula, nguko i kale u txi xuva kutsula m'tini ka tate wako: Kambe ngu kutxani u txi pa sizimu sangu, kani?”

Ezekhiyele 16:3

U txi khawe: Mkoma Txizimu a khene ka Jerusalema: Wuzikwa wako ni kuvelekwa kwako, si khukhela ka ditiko da Vakanana; tate wako i ti ti Muamori, se mwamwako i ti ti Muheti.

Isaya 51:2

Wonani ka Abrahama tate wanu, ni ka Sara awu a nga mi veleka; nguko ni m'dhani a di ekha, kambe ni mkatekisile, ni tshumela ni muandisa.

Dhewuteronome 26:5

Sekoko awe u na womba ka Mkoma, Txizimu txako, u txi khawe: “Tate wangu, i ti Muaramu wa mpepeseki, ene a relete ditikoni ka Egipta, a txi ya aka kona, a di ni vathu vavadotho; ngu msana a mahile mfumo wa hombe, wa mtamo, wa vathu votala.

Genesisi 35:4

Sekoko vona va to ningela ka Jakobe sotshe sithombe sa sizimu sa vamatiko, asi va nga ti naso, ni singeda ati va nga ti nato tinzeveni kwakwe, se Jakobe a to si kelela hahatshi ka mkusu wu wu nga ti hafuhi ni didhoropa da Sikemi.

Genesisi 31:53

Txizimu txa Abrahamu, Txizimu txa Nakori, Txizimu txa lihunzu la mmweyo wawe, txi na mahe mlamuli hagari kwathu.” Se Jakobe a to xambanya ngu Txizimu txi txi khozelwako ngu Isaake, tate wakwe.

Genesisi 31:32

Kasi awule u no mmana a di ni sizimu sako, kha na mbi hanya. Kona hawa masoni ka vanathu, wonisisa atxi txi kulumbako, na txi di ni nani, txi teke.” Kha ditshuri Jakobe a ti si ti zivi ti to Rakeli a pite sizimu sa tate wakwe.

Genesisi 31:19

Ngako Labhani a nga ti tsute kuya kaya tinvuta takwe, Rakeli a to sala e pa sithombe si si nga ti lumba tate wakwe.

Genesisi 11:26

Se mbimo yi Tera a ngadi ni mtxhanu wa magumi ni mambidi a malembe, a to veleka Abramu, Nahori ni Harani.

Luka 3:34

mwana Jakobe, mwana Isaake, mwana Abrahamu, mwana Tara, mwana Nakori,

Genesisi 11:24

Mbimo yi Nahori a nga va ni magumi mambidi a malembe ni mtxhanu ni mune, a to veleka Tera.

Genesisi 11:27

Ngu liya liveleko la Tera. Tera a to veleka Abramu, ni Nahori, ni Harani. Harani a to veleka Loti.

Genesisi 11:22

Mbimo yi Sarugi a nga va ni tanga ya magumi mararu a malembe, a to veleka Nahori.

1 Makronika 1:27

Abramu, i ku Abrahamu.