Joxuwa 24:18 - Bhiblia Yo Sawuleka

¹⁸ Mkoma ngene a nga tutumisa mifumo yotshe masoni kwathu kumweko ni Vaamori, avale va nga ti akile amu ditikoni. Ngu kumaha yeto, athu nanathu hi na khozela Mkoma, nguko ene ngene i ku Txizimu txathu.”

Joxuwa 24:18 Referans Kwoze

Zakariya 8:23

A womba tiya Mkoma wa Mabutho a Tiyimbi: Ka ditshiku donedo, ku na maheka taku, digumi da vavamna, va totshe tidimi ta matiko, ve ñola ha ka mrungo wa txyambalo txa M'judha, va txi kha vona: Hi na tsula ni nanu, nguko ha tolovela kupfa taku, Txizimu txi ni nanu.

Mika 4:2

Se matiko amangi ma na ya ma txi ya kha ona: Ngonani, a hi kweleni mmangoni ka Mkoma, ni Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma ngu Jerusalema.

Masalmo 116:16

Mkoma, ani ni txithumi txako; ni txithumi txi i ku mwanana wa txithumi txako txa wamsikati! Ni ponise ka majoke a lifo.

Eksodha 15:2

Mkoma mtamo wangu ni ndando yangu; ngene a nga ni hanyisa; ene ngene Txizimu txangu; ngu mhaka yeto ni na muakela nyumba; ngene Txizimu txa tate wangu; ngu mhaka yeto, ni na m'dhumisa.

Eksodha 10:2

Kambe awe u na xawutela ka vanana vako, ni ka vanana va vanana vako, sidiwukiso si ni nga si maha ditikoni ka Egipta ni sikombiso si ni nga si maha hagari kwawe; kasi mi na ziva ti to ngani Mkoma Txizimu.”

Mithumo 7:45

ditenda diya, ngako vatate vathu va di di amukete, va to wulela nado, na va txi thangelwa ngu Joxuwa, ka ditiko da vamatiko, avava Txizimu txi nga ti va tovete, masoni ka vatate vathu; dona di zumbile konaho kala kuhoka masiku a Dhavhidha,

Eksodha 23:31

Ni na komba muhingano wako, kukhukhela ka Linene lo Bhilivila kala ka Linene la Vafilista, ni kukhukhela txiwulani kala mnamboni. Ni na ningela manzani kwako vaaki va ditiko donedo, ati to u na va tutumisa hafuhi kwako.

Dhewuteronome 33:27

Txizimu txa yotshe mbimo, mbuthavelo wako. Mawoko a txona nzivhuno sako kala kupinduka; txona txo tovela valala masoni kwako, txi txi kha txona: Va lovise!

Joxuwa 24:17

Mkoma ngene i ku Txizimu txathu, atxi txi nga hi humisa athu ni vatate vathu, ditikoni ka Egipta, nyumbani ka wukhumbi, atxi txi nga maha sotshe sidiwukiso sa hombe, asiya hi nga si wona ngu maso athu, atxi txi nga hi xayisa amu ka nzila yotshe yi hi nga yi tsimbila ni hagari ka vathu votshe vale hi nga pinda ngu ka vona.

Joxuwa 24:19

Sekoko Joxuwa a to khene ka vathu: “Kha mi na mbi sikota kuthumela Mkoma, nguko ene i Txizimu txo Sawuleka, Txizimu txo khatala, atxi txi no mbi sikota kutimisela ngu kueyisa kwanu ni sionho sanu.

Dhewuteronome 10:21

Mkoma ngene i ku wudhumo wako ni Txizimu txako, awule a nga ku mahela simaha sa hombe, so xamalisa, asi u nga si wona ngu maso ako.

Joxuwa 23:9

Kunene Mkoma a tutumisile, masoni kwanu, mifumo ya hombe ya mtamo, kha nga ho ni wammweyo a mi tsanelako kala ka yiya mbimo.