Joxuwa 24:15 - Bhiblia Yo Sawuleka

¹⁵ Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

Joxuwa 24:15 Referans Kwoze

1 Vafumeli 18:21

Sekoko, Elija a to tshuketa hafuhi ka votshe vathu a txi khene: Mi na khwita hagari ka mipimiso yimbidi kala yihi mbimo kani? Ngako Mkoma i di Txizimu mlondiseleni; ni loku i di Bhahali, mlondiseleni. Hambi keto, vathu kha va mxamula txilo.

Dhewuteronome 29:18

Ku nga thuke ku txi vaho hagari kwanu wamwamna mwendo wamsikati, mwendo mwaya mwendo lihunzu, ahale mbilu ya vathu va kona yi ti hambukisako ka Mkoma, Txizimu txathu, ngu kuya khozela sizimu sa ona matiko ale; kasi ku hagari kwanu ku si maneki mkoloti wu wu velekako mndonga wa nyongwa, mwendo wo bava.

Ezekhiyele 20:39

Kasi ngu kwanu anu va nyumba ya ka Israyeli, Mkoma Txizimu a khene: Tsulani, mmweyo ni mmweyo eya thumela sithombe sakwe, nguko ani kha mi lavi ku ni engisa; aniko mi nga nyenyeziseni ditina dangu do sawuleka ngu miningelo yanu, ni sithombe sanu.

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

Eksodha 23:24

U nga khizame masoni ka sizimu sawe, kambe u nga si khozele, hambi kumaha mikhuwo yawe; aniko u na si khundumusela sotshe sithombe sawe.

Valamuli 6:10

Ni wombile kambe kwanu ni txi khani: Ani ngani Mkoma, Txizimu txanu, mi nga thaveni sizimu sa Vaamori, avale mi nga zumba ditikoni kwawe. Aniko anu kha ma ni engisa.

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Masalmo 101:2

Ni lava kutsimbila ngu nzila yo lulama. U na ni hingeta ditshiku muni? Nyumbani kwangu ni na hanya ngu mbilu ya kuthutha;

Masalmo 119:106

Ni xambanyile ni tsanisa: Ti to ni na vekisa mithetho yako yo lulama.

Dhewuteronome 13:7

hagari ka sizimu sa vathu vale i ku vaakelani vanu, va hafuhi mwendo va kule ni nawe, kukhukhela magwito ka mafu kala kumwani magwito,

Eksodha 34:15

U nga mahe txitumelelano txokari ni vaaki va kona ditikonimo, nguko, mbimo yi va mahako wugango ni sizimu sawe, va txi si mahela miningelo ni miphaxo, va nga thuka va txi kudhana u txi ya dya timhamba tawe.

Genesisi 35:2

Sekoko Jakobe a to womba ka ngamu yakwe yotshe ni ka votshe vale a nga ti navo, a txi khene: “Tshotshani hahanze sotshe sithombe sa sizimu sa vamatiko, asi si ku hagari kwanu, ti basiseni mi txitxa ni syambalo sanu.”

Joxuwa 24:16

Sekoko konako vathu votshe va to xamula va txi kha vona: “Ti nave kule ni nathu ta kuleka kukhozela Mkoma, hi txi ya khozela simwani sizimu!

Dhaniyeli 3:18

Se hambi txi si hi hulukisi, tizive awe mfumeli, ti to athu kha hi na mbi thumela sizimu sako, hambi kukhozela txithombe txa nzalama txile u nga txi emisa.

Mika 4:5

Nguko votshe vathu va na tsimbila, mmwani ni mmwani ngu ditina da txizimu txakwe, aniko athu hi na tsimbila ditinani ka Mkoma, Txizimu txathu, yotshe mbimo ngu ha ku si gwitiko.

Eksodha 23:2

U nga londete mtxawa wa mtalo wa vale va mahako to biha. U nga emele ava votala habanza, ngako va txi jikisa mahungu a ditshuri,

Levhi 14:42

Ngu toneto, va na veketela mamwani marigwi o hambana kona hale ma nga ti ti kona mamwani, se va txi kopola nyumba kambe.

1 Makronika 1:14

ni Vajebhusi, ni Vaamori, ni Vagirigasi,