Joxuwa 24:11 - Bhiblia Yo Sawuleka

¹¹ “Se mi di txhatukile mnambo wa Jordhani, mi hoka Jeriko, aniko vaaki va Jeriko, va lwite ni nanu, Vaamori, Vaferezi, Vakanana, Vaheti, Vagergezi, Vahevhi, ni Vajebhusi, kambe ani ni va ningete manzani kwanu.

Joxuwa 24:11 Referans Kwoze

Mithumo 13:19

Ngako txi di fuvisile mtxhanu wa mifumo ni yimbidi ditikoni ka Kanana, txi to va ninga ditiko dile, di maha thomba yawe,

Mithumo 7:45

ditenda diya, ngako vatate vathu va di di amukete, va to wulela nado, na va txi thangelwa ngu Joxuwa, ka ditiko da vamatiko, avava Txizimu txi nga ti va tovete, masoni ka vatate vathu; dona di zumbile konaho kala kuhoka masiku a Dhavhidha,

Masalmo 114:5

Awe linene, nji txani txi ku mahako u tutuma kani? Awe Jordhani, ngu kutxani u tshumelela msana kani?

Masalmo 114:3

Mbimo yi linene li nga oma, li to thava se mnambo wa Jordhani wu tshumelela msana.

Masalmo 105:44

Txi va ningile ditiko di i nga ti da vamwani vathu ve dya mitxelo ya kudimwa ngu vamatiko,

Joxuwa 4:23

Nguko Mkoma, Txizimu txanu, a omisile mati a Jordhani masoni kwanu, kala kuza mi txi txhatuka, kufana ni kule Mkoma, Txizimu txanu, a nga maha ka Linene lo Bhilivila, a nga li omisa masoni kwathu, kala kuza hi txi tshawunyeta.

Dhewuteronome 7:1

“Ngako Mkoma, Txizimu txako, a di ku wuletile ka ditiko di uyako ka dona, kasi ku u txi ya di fuma, a di tutumisile matiko amangi masoni kwake, Vaheti, Vagirigaxi, Vaamori, Vakanana, Vaferezi, Vahevhi ni Vajebhusi mtxhanu wa matiko ni mambidi a vathu vo tola ni mtamo wa hombe kupinda awe.

Eksodha 23:23

Ngelozi yangu yi na kuthumela masoni kwako, kambe yi na kuyisa ditikoni ka Vaamori, ka Vaheti, ka Vaferezi, ka Vakanana, ka Vahevhi ni ka Vajebhusi, ani ni na va lovisa.

Genesisi 15:19

I ku ditiko da Vakeni, ni Vakenezi, ni Vakadhimoni,

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Eksodha 3:17

Ngu mhaka yeto, ani ni khani: Ni na mi thusa mu kuxuphekani ka Egipta mi txi ya ditikoni da Vakanana, Vaheti, da Vaamori, da Vaferezi, da Vahevi ni da Vajebhusi ka ditiko di di khulungako masi ni wulombe.

Eksodha 13:5

Ngako Mkoma a di mi hokisile ditikoni ka Vakanana, da Vaheti, da Vaamori, da Vahevhi ni da Vajebhusi, adi a nga xambanya ku di ningela ka vatate vanu, ditiko di dikhulungako masi ni wulombe, ditshiku diya mi na di vekisa, ka wona wuwa mtxima.

Eksodha 23:28

Ni na rumela kambe mifi masoni kwako, ati to yi txi tutumisa Vahevhi, Vakanana ni Vaheti va txi thava masoni kwako.

Eksodha 23:31

Ni na komba muhingano wako, kukhukhela ka Linene lo Bhilivila kala ka Linene la Vafilista, ni kukhukhela txiwulani kala mnamboni. Ni na ningela manzani kwako vaaki va ditiko donedo, ati to u na va tutumisa hafuhi kwako.

Eksodha 33:2

Ni na ruma ngelozi yi txi thangela masoni kwako (ni na humisa hahanze Vakanana, Vaamori, Vaheti, Vaferezi, Vahevhi ni Vagebhuzi),

Joxuwa 3:10

Joxuwa a to engeta a txi khene: “Ka toneto, mi na ziva tito, Txizimu txi txi hanyako txi hagari kwanu, ni ti to txi na tutumisa Vakanana masoni kwanu, ni Vaheti, Vahevhi, Vaferezi, Vagirigaxi, Vaamori, ni Vajebhusi.

Joxuwa 4:1

Ku to maheka koko taku, na votshe vathu va di txhatukile mnambo wa Jordhani, Mkoma e womba ka Joxuwa a txi khene:

Joxuwa 4:19

Vathu va to huma koko ngu Jordhani, ngu ditshiku da digumi ka mtxima wo khata; se va to ya gova Giligali, ngu diphambo da wutxani ka Jeriko.

Joxuwa 9:2

va to patana ka txitumelelano tximwetxo, kasi kulwisa Joxuwa ni va ka Israyeli.