Joxuwa 23:7 - Bhiblia Yo Sawuleka

⁷ Mi nga ti tshanganiseni ni vamatiko vava va nga sala hagari kwanu. Mi nga khumbukeni matina a sizimu sawe, mi nga xambanyeni ngu matina a sona, mi nga si khozeleni ni kambe mi nga khizameni masoni ka sona.

Joxuwa 23:7 Referans Kwoze

Eksodha 23:13

Londetani ngu kukhatala totshe timhaka ti ni mi gelako, kambe mi nga thukeni mi khumbuka ditina da simwani sizimu, kha kulaveki di txi pfala sisofuni kwanu.”

Jeremiya 5:7

“Ni nga ku divalelisa kutxani kani? Vanana vako va ni lekile, va xambanya ngu va i singako sizimu! Hambi ni di va khurisile ngu kudingana, vona va mahile wugango, va to sengeletana nyumbani ka wugango na i di vangi ngutu.

Masalmo 16:4

Kupanda ku na engetelana ka vale va ningelako miningelo ka simwani sizimu; Ani kha ni na mbi patana navo ka timhamba tawe ta mnoha, hambi kukhumbuka matina awe ngu txisofu txangu.

Eksodha 23:33

Vona kha va na mbi zumba ditikoni kwako, kasi ku va si mi onhisi masoni kwangu, nguko mi txi khozela sizimu sawe, mi na loviswa ngu mlawu.”

Vaefesu 5:11

Mi nga wuleleni amu ka mithumo ya txidema, ayi yi si ningiko mihando, kambe yi vayileleni masoni ka votshe vathu.

1 Vakorinto 15:33

Mi nga ti kanganyiseni: “Vangana vo biha va onhetela mikhuwo ya yinene.”

Zefaniya 1:5

ni va va khizamelako dibutho da nzuma va di txitimwi ka tinyumba; ni vale va namako ve xambanya ka Mkoma, ni kuxambanya ngu Malikami;

Mavingu 4:14

U nga wulele ka nzila ya vaonhi, hambi kutsimbila ngu nzila ya vo biha.

Joxuwa 23:12

Nguko, mi txi hambuka, mwendo kunamarela ka vamatiko va va nga sala hagari kwanu, mi txi tekelana navo vasikati, anu mi teka kwawe, ni vona ve teka kwanu,

Hoseya 2:17

Ni na thavisa matina a va ka bhahali txisofuni kwako, ni matina awe kha ma na mbi khumbukwa kambe.

Mitengo 32:38

Se, Nebho, ni Bhahali-Meyoni, va txitxile matina, ni Sibhima. Se ve ninga mamwani matina, ka madhoropa awa va nga ma aketa.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Dhewuteronome 6:13

U na thava Mkoma, Txizimu txako, u txi mkhozela, ni kuxambanya ngu ditina dakwe.

Dhewuteronome 10:20

Thava Mkoma, Txizimu txako, u txi mkhozela ene ekha, kambe namarela kwakwe u txi xambanya ngu ditina dakwe.

Joxuwa 23:8

Aniko anu namarelani ka Mkoma, Txizimu txanu, nga ti mi mahako kala ka ditshiku da nyamsi;

Jeremiya 12:16

Ngako va di gondile tinzila ta vathu vangu, ti taku va txi xambanya ditinani kwangu, va txi kha vona: Mkoma a hanyako; nga ku va nga gondisa vathu vangu kuxambanya ngu Bhahali, sekoko va na maneka hagari ka vathu vangu.

Mitengo 33:55

Aniko ngako mi si tutumisi vazumbi va ditiko dile masoni kwanu, se ava mi no va leka ve zumba, vona va na maha mipa amu ka maso anu, ni mindombo makatani kwanu, se va na mi tsindaveta ka ditiko diya mi no zumba ka dona.

Dhewuteronome 6:14

Mi nga khozeleni simwani sizimu, asi si ku hagari ka sizimu sa vathu, vale va mi randelako.

2 Vafumeli 5:18

Keto, Mkoma a na divalele nyamne wako. Mbimo yile nyamne wangu a wulelako nyumbani ka Rimoni, kuya khongela, se a txi khigela ka dianza dangu, se nani ni maneka ni txi ti namisa ka Rimomi; eko ni txo nama nyumbani ka Rimoni, keto Mkoma a na divalele txithumi txako.

2 Vafumeli 17:12

Kambe va thumete sithungulu sile Mkoma a khalako ku va gela a txi khene: Mi nga ti maheni eto.

2 Makronika 7:19

Sekoko ngako mi txi hambuka mi leka milayo yangu ni sileleto sangu asi ni nga mi ninga, mi tsula mi ya khozela sizimu simwani mi si khizamela,