Joxuwa 23:4 - Bhiblia Yo Sawuleka

⁴ Wonani, ani ni mi abanisete, madingano ni dikato da lihunzu ni lihunzu, otshe matiko awa ma nga sala ni otshe matiko awa ni nga ma khozisa, kukhukhela Jordhani kala ka Linene la Hombe, mswa-ditambo.

Joxuwa 23:4 Referans Kwoze

Joxuwa 18:10

Sekoko Joxuwa a to va xaxuvela tixolo kona Silo, masoni ka Mkoma, se a txi abanisela ditiko ka vanana va ka Israyeli, madingano ni timwaya tawe.

Joxuwa 13:2

Ditiko di di ku ngadi sate ngu diya: Yotshe mihingano ya Vafilista ni dotshe ditiko da Gexure,

Eksodha 23:30

Ni na va tutumisa kudotho-kudotho masoni kwako, kala kuza u txi anda, u txi mana mtamo wo teka ditiko di txi maha thomba yanu.

Dhewuteronome 12:29

Ngako Mkoma, Txizimu txako, a di fuvisile matiko masoni kwako, aya u yelako kuya ma teka me maha ako, u txi aka ka ona,

Valamuli 2:21

Ni ka kudotho, kha ni na mbi tutumisa ni da dimwedo ditiko masoni kwawe, ale Joxuwa a nga ma siya kufani kwakwe.

Masalmo 78:55

Txi tutumisile vamatiko masoni ka Vaisrayeli, txi abanisela thomba yawe ka vathu va txona txi akisa tihunzu ta ka Israyeli matendani kwawe.

Masalmo 105:11

mbimo yi a nga womba a txi khene: “Ni na kuninga ditiko da Kanana, di maha thomba yi yi kulumbako.”

Zefaniya 3:6

Ni fuvisile matiko, sitezi sa kona si mahile marumbi, ni mahile siwula tinzila ta kona, aha koza ku si pindi m'thu ka tona; madhoropa a kona ma hoxotilwe, aha koza ku si sali ni wammweyo, kupwateka ni wo zumba ka ona.