Joxuwa 23:3 - Bhiblia Yo Sawuleka

³ kambe anu mi ti woni totshe ti Mkoma, Txizimu txanu, a nga maha ka otshe matiko awa ngu mhaka yanu. Kunene, Mkoma, Txizimu txanu, ngene a nga lwa a txi mi vhikela.

Joxuwa 23:3 Referans Kwoze

Eksodha 14:14

Mkoma a na lwa ngu nganu, kambe anu mi na malala mi txi dwe!”

Joxuwa 10:42

Se votshe vafumeli vava ni matiko awe, Joxuwa a va khozisile ngu mbimo yimweyo, nguko Mkoma, Txizimu txa ka Israyeli, a ti ti lwela Israyeli.

Joxuwa 10:14

Kha kuzivi kumaneka ditshiku do fana ni donedo, hambi ngu msana hambi ngu masoni ka dona, adiya Mkoma a nga engisa dipswi da m'thu; nguko Mkoma a ti ti lwela va ka Israyeli.

Malakiya 1:5

Maso anu ma na ti wona, se mi na khanu: Mkoma a na kuliswe, kukhukhela mihinganoni ka Israyeli.

Dhewuteronome 20:4

Mkoma, Txizimu txanu koko, a tsimbila kumweko ni nanu, kasi kulwa ni valala vanu, a txi mi ninga kuxula.”

Dhewuteronome 4:9

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

Dhewuteronome 1:30

Mkoma, Txizimu txathu, ngene a no ya masoni kwanu, ene a na mi lwela, kufana ni tile a nga ti maha ngu nganu ditikoni da Egipta, khoheni kwanu.

Joxuwa 23:10

M'thu mmweyo hagari kwanu, a na tutumisa 1.000 wa valala, nguko Mkoma Txizimu txanu, ngene apune a mi lwelako, nga ti a nga mi thembisa.

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

Eksodha 19:4

“Mi ti woni ati ni nga ti maha ka Vaegipta ni ti ni nga mi gulisa tona ngu txitimwi ka mabhapi a ngungwa, ni txi mi tisa kala kona hawa kwangu.

Dhewuteronome 7:17

Ngako u txi womba mbiluni kwako u txi khawe: “Mifumo yiya njayingi ngutu kupinda ani, ni nga yi xulisa kutxani kani?”

Dhewuteronome 7:24

Ene a na ningela vafumeli va ona manzani kwako, se awe u na pfhita matina awe hahatshi ka nzuma: Ni wammweyo kha na mbi tsana masoni kwako, kala u va fuvisa.