Joxuwa 23:2 - Bhiblia Yo Sawuleka

² ene Joxuwa a to ramba votshe va ka Israyeli: Madhota awe ni vathangeli vawe, valamuli vawe ni vathangeli vawe va yimbi a txi va gela tiya: “Ani se ni kumbile, ni na ni malembe o tala,

Joxuwa 23:2 Referans Kwoze

Joxuwa 24:1

Msana keto, Joxuwa a to tshanganisa totshe tihunzu ta va ka Israyeli kona Sikemi, a to ramba otshe madhota a ka Israyeli, ni vathangeli vawe, ni valamuli vawe, ni votshe vathangeli vawe va yimbi; vona va to ya maneka masoni ka Txizimu.

1 Makronika 28:1

Sekoko Dhavhidha a to ramba kona Jerusalema votshe vathangeli va ka Israyeli, ni vathangeli va tihunzu, ni vathangeli va mitxawa, vale va nga ti thumela mfumeli, ni vathangeli va magumi a mazana, ni vathangeli va mazana, ni vathangeli va totshe tithomba ni makhalo a mfumeli, ni va vanana vakwe, kumweko ni mithenwa, ni vavamna, ni votshe vavamna va mtamo.

Dhewuteronome 31:28

Tshanganisani masoni kwangu otshe madhota a tihunzu tanu ni vathangeli vanu, kasi ku ani ni na xawutela mapswi awa tinzeveni kwanu, ni kombela nzuma ni mafu ti to si maha tifakazi tangu hagari kwawe.

Joxuwa 23:3

kambe anu mi ti woni totshe ti Mkoma, Txizimu txanu, a nga maha ka otshe matiko awa ngu mhaka yanu. Kunene, Mkoma, Txizimu txanu, ngene a nga lwa a txi mi vhikela.

Joxuwa 13:1

Ngako Joxuwa a di kumbile, na a di ni tanga ya malembe amangi, Mkoma a mgete a txi khene: “Se awe u kumbile ngutu, u wa tanga ya malembe o tala na kuve ku ngadi sate ditiko da hombe, adi di fanelako kukhoziswa.

1 Samuwele 12:2

Konkuwa, koko, wonani mfumeli wu a no mi thangela; se ani ni kumbile, ni ni wunvi, kambe vanana vangu va ni nanu; se ani ni mi tsimbitisile kukhukhela u wananani kwangu kala ka ditshiku da nyamsi.

1 Vafumeli 1:1

Mbimo yile mfumeli Dhavhidha a nga ti kumbile, a di gumetwe ngu masiku, a txi fenengetwa ngu tinguwo, aniko asi futumeli.

1 Vafumeli 8:1

Sekoko Solomoni a to sengeleta otshe madhota a ka Israyeli, ni votshe vathangeli va tihunzu, vathangeli va vatate, hagari ka vanana va ka Israyeli, masoni kwakwe, kona Jerusalema, kuva ve kwelisa dibhokiso da txitumelelano txa Mkoma, da Didhoropani da Dhavhidha, i ku Siyoni.

1 Makronika 23:2

Se a to sengeleta votshe vathangeli va ka Israyeli, kumweko ni vaphaxeli ni Valevhi.

1 Makronika 27:27

se Simeyi, wa Ramati, i ti ti mxayisi wa mivhinya; aniko Zabhedhi, wa Sifimi, i ti ti mxayisi wa vhinya yi yi nga ti ti mapipani;