Joxuwa 23:16 - Bhiblia Yo Sawuleka

¹⁶ Ngako mi txi daya txitumelelano txi Mkoma, Txizimu txanu, a nga txi maha ni nanu, mi txi khozela simwani sizimu ni ku si khizamela, konako txiviti txa Mkoma txi na vhutuka txi mi wukela, kambe ngu kukuluveta mi na fuva ka ditiko diya da dinene, adiya ene a nga mi ninga.”

Joxuwa 23:16 Referans Kwoze

2 Vafumeli 24:20

Se ti mahisile tiya ngu mhaka ya txiviti txa Mkoma txitimwi ka Jerusalema ni ka Judha, eza e va nyenya masoni kwakwe; se Zedhekiya a to wukela mfumeli wa Bhabhilona.

1 Vafumeli 14:15

Kambe Mkoma a na tsayisa Israyeli, kufana ni kuzinginika ka litshava amu matini, se a na dula Israyeli ka ditiko di a nga ti ningile vatate vawe, se a na va hangalasa mtxhatuko ka mnambo wa Ewufrate, nguko va ti mahete txifananiso txa Aseri, i ku txizimu txa txisikati ve txi khozela, ve wusa kuhenya ka Mkoma.

2 Vafumeli 17:7

Ti mahekile tiya ngu ku vanana va ka Israyeli, va nga onha ka Mkoma, Txizimu txawe, awu a nga va humisa ngu ditikoni ka Egipta, hahatshi ka dianza da Faro, mfumeli wa Egipta; se va to khozela simwani sizimu.

Jeremiya 32:24

Hi nga wona maguma! Va tete ku ta wukela didhoropa, kasi ku ta di teka, se didhoropa di ningetwe manzani ka Vakaldheya, va valwako navo ngu ditxhari, ni nzala, ni mtungu; se ati u nga womba ti mahekile, ngu tona ti u ti wonako.

Mitengo 33:56

Se ti na maneka ti to ni maha kwanu, ati ni nga ti fela kumaha kwawe.

Dhewuteronome 6:15

Nguko Mkoma, Njizimu txako, atxi txi nga aka hagari kwanu, Njizimu txa txiluse; ngako kuhenya ka Mkoma, Txizimu txako, ku txi vhiluka, ene a nga kufuvisa ha mafuni.

Dhewuteronome 17:3

e thumela simwani sizimu, ni kukhizama masoni ka sona, masoni ka ditambo, ni ka mtxima, mwendo ka dotshe dibutho da nzumani, ati ani ni nga mbi leleta;

Dhewuteronome 28:15

Kambe ku na maheka taku, ngako u si engisi dipswi da Mkoma, Txizimu txako, u si khatali ngu kuvekisa sotshe sirumo sakwe ni sotshe sileleto sakwe, asi nyamsi ni kugelako, ni txi kuninga, makhombo otshe ma na wa txitimwi kwako, ma txi kupfinya.

Valamuli 2:14

Ngu kumaha keto, kuhenya ka Mkoma ku to wukela va ka Israyeli, se e va ningela manzani ka makhamba, ma txi va pela; kambe a to va ningela manzani ka valala vawe vale va nga ti ti va ranganyetile; se kha va nga sikota kukhukha va txi ema kambe masoni ka valala vawe.

Valamuli 2:20

Ngu kumaha keto, kuhenya ka Mkoma a to wukela va ka Israyeli; se a txi khene: “Ngako vathu vava va nga leka txitumelelano txangu, atxi ni nga ti leletete vatate vawe, va si engisi dipswi dangu.

1 Samuwele 12:25

Kambe ngako mi txi ya masoni ngu kumaha to biha, anu ni mfumeli wanu mi na lova.

1 Vafumeli 9:6

Sekoko, ngako anu ni vanana vanu mi txo dhuka mi ti lava mi khukha kwangu, mi si vekisi sirumo sangu ni sileleto sangu asi ni nga mi ninga, aniko mi tsula mi ya khozela simwani sizimu, ni kunama masoni ka sona,

1 Vafumeli 9:7

sekoko ni na khundumusa Israyeli ka ditiko di ni nga mninga; se ka yiya nyumba ni nga yi sawulekisela ditina dangu, ni na yi tshotsha kule ni nani, se Israyeli a na maha wa kuwombwa ni kumimelelwa, hagari ka votshe vathu.

Isaya 24:5

Kha ditshuri, mafu ma nyetilwe ngu vaaki va ona, nguko va ndaka milayo, ve txitxelela sileleto, kambe va funya txitumelelano txa kala kupinduka.

Jeremiya 32:23

va tota ve ta di khozisa, aniko kha va engisa dipswi dako, hambi kutsimbila ngu mlayo wako; ni totshe ti u nga ti va layile ku ti maha, kha va ti maha; uza u txi va humisela otshe makhombo awa.