Joxuwa 23:14 - Bhiblia Yo Sawuleka

¹⁴ Wonani, ani ni tsimbila ngu nzila ya votshe vathu ha mafuni. Anu ma tiziva ngu yotshe mbilu yanu ni wotshe moya wanu tito, ka sithembiso sotshe sa sinene, si Mkoma, Txizimu txanu, a nga mi mahela anu, kuwalo ni txa tximwetxo txi nga mbi maheka, sotshe si mahekile kwanu, kuwalo ni dipswi dimwedo di nga wa hahatshi.

Joxuwa 23:14 Referans Kwoze

Luka 21:33

Nzuma ni mafu si na pinda, aniko mapswi angu kha ma na mbi pinda.”

1 Vafumeli 2:2

“Ani na tsula ngu nzila ya votshe ha mafuni; tsana, u maha wamwamna.”

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

1 Vafumeli 8:56

A na dhumiswe Mkoma, a nga ninga kuhumula vathu vakwe va ka Israyeli, madingano ni totshe ti a nga womba; hambi ni dipswi ni da dimwedo ka mapswi akwe otshe amanene kha da ngawa, ayale a nga ma womba ngu mthumo wa txithumi txakwe Mosi.

1 Samuwele 3:19

Se Samuwele a to kula, na Mkoma a di kumweko nayo, kambe asi leki ni da dimwedo ka otshe mapswi akwe mewa hahatshi.

Ekleziyaste 12:5

ni ku ngako makhalo o guleka ma txi zinginika, kuva ni kuthava hanzila, kuthunga mkhungu, ni humbi yi maha yo nemela, ufa ngu kunavela; nguko m'thu wa tsula ka nyumba yo gwita, se vale vo saluka, va na tsimbila-tsimbila mtendelani;

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Vahebheru 9:27

Se ngako vathu va nga sikelwa ti to ve fa kumweko dwe, ngu msana ku txi londeta kulamulwa;

Jobe 30:23

Nguko ani na tiziva taku u na ni yisa kufani, ni nyumbani mu kuverelako votshe vo hanya.

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

Genesisi 47:29

Mbimo yi Israyeli a nga ti hafuhi ni kufa, a to dhana Josefa mwanakwe, e m'gela tiya: Ngako u txi ni dhunda ngu ditshuri, veka dianza dako hahatshi ka dithumbi dangu, u txi ni thembisa ngu lirando ni wunene ti to u si ni tshotshi ditikoni muwa ka Egipta!