Joxuwa 23:13 - Bhiblia Yo Sawuleka

¹³ ngu ditshuri ti ziveni konako ti to Mkoma, Txizimu txanu, a na leka kututumisa vamatiko vava masoni kwanu: Va na phinduka va txi maha likoka ni litshenga hagari kwanu, va na maha limhika makatani kwanu, ni mipa ka maso anu, kala mi txi fuva mu ka ditiko diya da dinene, adi Mkoma, Txizimu txanu, a nga mi ninga.

Joxuwa 23:13 Referans Kwoze

Dhewuteronome 7:16

Ngu kumha keto, u na fuvisa vathu votshe, vale Mkoma, Txizimu txako, a no va ningela kwako; diso dako di nga ve ni wumbilu ngu vona, kambe u nga khozele sizimu sawe, eto ti nga va i di litshenga kwako.

Mitengo 33:55

Aniko ngako mi si tutumisi vazumbi va ditiko dile masoni kwanu, se ava mi no va leka ve zumba, vona va na maha mipa amu ka maso anu, ni mindombo makatani kwanu, se va na mi tsindaveta ka ditiko diya mi no zumba ka dona.

Eksodha 23:33

Vona kha va na mbi zumba ditikoni kwako, kasi ku va si mi onhisi masoni kwangu, nguko mi txi khozela sizimu sawe, mi na loviswa ngu mlawu.”

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Masalmo 69:22

Mibuso yakwe yi na hinduke yi maha milawu, yi txi daya ene ni vale a nga va ramba.

2 Timoti 2:26

ni kuvaninga kambe kutshumela ve wuya ka wuzivi, txi va ponisa ka mlawu wa Sathani, a nga ti va bzwetile ngu wona, kasiku ve maha kuranda kwakwe.

2 Vafumeli 25:26

Sekoko votshe vathu va to khukha, wam'dotho ni wa hombe, kumweko ni vathangeli va tiyimbi, va tota Egipta, nguko va ti ti thava Vakaldheya.

Dhewuteronome 30:18

Sekoko, na kugela nyamsi kukhani kha ditshuri u na lova; khu na mbi laphiselwa masiku a kuhanya ka ditiko diya, mbimo yi u no txhatuka mnambo wa Jordhani, uyako ka dona kasi kuya di teka.

Dhewuteronome 29:28

Mkoma a va rurisile ditikoni kwawe ngu kuhenya, ni txiviti, ni kuhenya ka hombe, e va vinza ka dimwani ditiko, nga ti hi ti wonako nyamsi.”

Dhewuteronome 4:26

nyamsi ni maha ti to nzuma ni mafu, si txi va i di tifakazi tanu to mi wukela; ngako toneto ti txi maheka, ngu txikuluveta mi na ya lova ka donedo ditiko, adile anu mi yako kuya di fuma, ngako mi di txhatukile mnambo wa Jordhani; ka toneto, kha mi na mbi ya hanya ngutu ka dona, nguko ngu ditshuri, mi na ya loviswa.

2 Vafumeli 25:21

Se mfumeli wa Bhabhilona a to va tsayisa e gwita e va daya kona Ribhila ditikoni ka Hamati; se Judha a to ñolwa e yiswa hahanze ka ditiko dakwe.

1 Vafumeli 11:4

Nguko ku mahekile ti to a di kumbile Solomoni, vasikati vakwe va m'dyite mbilu kasiku e londisa simwani sizimu; se mbilu yakwe yi sa hetiseka ka Mkoma, Txizimu txakwe, ku nga tate wakwe Dhavhidha,

Eksodha 10:7

Konako, mahalamu a Faro ma m'gete ku kha ona: “Awuwa m'thu a na hi vangela makhombo kala mbimo muni kani? Leka vathu va txi tsula kasi va txi ya khozela Mkoma, Txizimu txawe. Awe khu ti woni ti to ditiko da Egipta da lova kani?”

Eksodha 34:12

Ti wonele, u nga mahe Txitumelelano txihi ni txihi ni vaaki va ditikodo uyako ka dona; kasiku va si thuki va txi kuriyela u txi zwetwa, u txi lova.

Eksodha 34:16

Kambe u nga thuke u txi wuta hagari ka vanana vawe vamahorana, vasikati kasi kulowota vanana vako va vafana, va nga hambukisa vanana vako va txi maha wugango ni sizimu soneso.

Ezekhiyele 28:24

Se nyumba ya ka Israyeli, kha yi na mbiswa kambe yi di ni mpa wa ku yi tholetela, hambi mpa wo pfisa kupanda, ka ni wihi wa wule a va pelako madhawani kwawe: Va na tiziva taku ani ngani Mkoma Txizimu.

Valamuli 2:21

Ni ka kudotho, kha ni na mbi tutumisa ni da dimwedo ditiko masoni kwawe, ale Joxuwa a nga ma siya kufani kwakwe.

2 Vafumeli 17:18

Ngu mhaka yeto, Mkoma a to henyela Israyeli, e mthavisa masoni kwakwe; kha ka sala ni wammweyo, hahanze ka lihunzu la ka Judha.

2 Vafumeli 17:20

Ngu kumaha keto, Mkoma a to nyenya yotshe mbewu ya ka Israyeli, e va tsindaveta, ni ku va ningela manzani ka vakhozisi, kala kuza e va thavisa masoni kwakwe.