Joxuwa 22:9 - Bhiblia Yo Sawuleka

⁹ Vanana va ka Rubheni ni vanana va ka Gadhi va to tsula kumweko ni hafu ya lihunzu la ka Manasi, va txi siya vanana va ka Israyeli kona Silo, ditikoni ka Kanana, va txi ya ditikoni ka Gileyadhi, adile i kuthomba yawe, va nga ningwa madingano ni txileleto txi a nga txi maha ngu Mosi.

Joxuwa 22:9 Referans Kwoze

Mitengo 32:29

Se Mosi a to khene kwawe: Ngako vanana va Gadhi ni vanana va Rubheni va txi txhatuka ni nanu mnambo wa Jordhani, mi yalwa yimbi masoni ka Mkoma, mi sikota kuteka ditiko di maha danu, va ningeni ditiko da Gileyadhi, di maha dawe;

Mitengo 32:26

Timenzani tathu, vasikati vathu, thomba yathu, ni sihari sathu sotshe, si na va madhoropani ka Gileyadhi.

Mitengo 32:1

Se vanana va Rubheni ni vanana va Gadhi, va ti ti ni sifuyo so tala ngutu; se va woni ditiko da Jazeri ni ditiko da Gileyadhi, kasi kuva makhalo a sifuyo.

Masalmo 60:7

Gileyadhi ni Manasi va ni lumba; Efrayime mtamo wa msungo se Judha i ndonga yangu ya wukoma.

Joxuwa 13:31

Hafu ya Gileyadhi, ni Asterote, ni Edreyi, madhoropa a mfumo Oge wa Bhasani, ma ningetwe ka vanana va ka Makira, mwana Manasi, a ti ti wombwako ku ma ningetwe ka hafu ya vanana va ka Makira, madingano ni timwaya tawe.

Joxuwa 13:25

Ditiko da kona i Jazeri, ni madhoropa otshe a Gileyadhi, hafu ya ditiko da vanana va ka Amoni, kala Aroweri, masoni ka Rabha,

Joxuwa 13:11

Ni Gileyadhi ni ditiko da Gesuri ni da Mahakate, ni wotshe mmango wa Hermoni, ni dotshe ditiko da Bhasani kala Salika;

Joxuwa 22:10

Ngako va di hokile hafuhi ka mnambo wa Jordhani, ditikoni ka Kanana, vanana va ka Rubheni, ni vanana va ka Gadhi, ni vanana va hafu ya lihunzu la ka Manasi, va to aka kona ha mabambe ka mnambo wa Jordhani, txiluvelo txa hombe, atxi txi nga txi woneka ni kule.

Valamuli 5:17

Gileyadhi a zumbile mtxhatuko ka Jordhani, Dhani ngu kutxani u txi zumbela tingalavani kani? Aseri a ti ti zumbile mambambe ka linene, e ti zumbela sithoni kwakwe.

2 Samuwele 2:9

Se a to m'veka kuva mfumeli txitimwi ka Gileyadhi, ni txitimwi ka Asuri, ni txitimwi ka Jezireyeli, ni txitimwi ka Efrayime, ni txitimwi ka Bhenjamini, ni txitimwi ka votshe va ka Israyeli.

1 Makronika 5:9

va ti akile kambe ngu didhawa da wutxani, kala ka txike txa txiwulani, kukhukhela mnamboni ka Efrata, nguko sifuyo sawe si ti ti andile ngutu, ditikoni ka Gileyadhi.

Mitengo 32:20

Sekoko Mosi a to khene kwawe: Ngako mi txi mahisa eto, mi xoma matxhari, miya yimbini masoni ka Mkoma,

Mitengo 32:22

Se ditiko di na vekwe hahatshi masoni ka Mkoma, ngu msana, mi na wuya mi ta zumba mi di divaletwe, masoni ka Mkoma ni masoni ka Israyeli. Ngu kona ditiko diya di no maha danu, masoni ka Mkoma;

Dhewuteronome 3:18

Ka txonetxo txikhati ani ni mi ningile txileleto txiya: “Mkoma, Txizimu txanu, a mi ningile ditiko diya, ti to di txi va i di thomba yanu. Anu tindena, vavamna va mtamo, mi na tsimbila mi di xomile masoni ka vananu, i ku vanana va ka Israyeli.

Dhewuteronome 3:20

Kala Mkoma a txi ninga kuhumula ka vananu, kufana ni nanu, kambe ni vona va na di fuma ditiko diya, Mkoma, Txizimu txanu, a nga va ninga, kona mtxhatuko ka Jordhani; sekoko mmwani ni mmwani, a na tshumelela ka thomba yakwe, ayile ani ni nga mninga.

Dhewuteronome 34:1

Sekoko Mosi a to khukha ngu libalani ka Mowabhi, a txi ya kwela mmangoni ka Nebho, txitimwi ka Pisiga, ku ku masoni ka Jeriko. Se Mkoma a to mkomba dotshe ditiko, kukhukhela Gileyadhi kala Dhani;

Valamuli 20:1

Sekoko votshe vanana va ka Israyeli va to huma, se msengeletano wu patana nga m'thu mmweyo, kukhukhela Dhani kala Bherisebha, kumweko ni ditiko da Gileyadhi, kona Misipa, masoni ka Mkoma.