Joxuwa 22:6 - Bhiblia Yo Sawuleka

⁶ Joxuwa a to va katekisa, e va gela ti to ve tsula, se vona va to tshumelela matendani kwawe.

Joxuwa 22:6 Referans Kwoze

Joxuwa 14:13

Se Joxuwa a katekisile Kalebhi, mwana Jefoni, wa Mkenezi, e mninga Hebroni, yi maha thomba yakwe.

Luka 24:50

Msana keto, a va tekile a txi va yisa hafuhi ni Bhetaniya, a txi guleta manza a txi va katekisa.

2 Samuwele 6:18

Se mbimo yile Dhavhidha a nga heta kuningela miphaxo ya kuhiswa ni mingelo ya kudikha, a to katekisa vathu ngu ditina da Mkoma wa Mabutho a Tiyimbi.

Eksodha 39:43

Mosi a to xolisisa wotshe mthumo, e wona ti to wu mahilwe ngu kulondeta totshe ti Mkoma a nga leleta tona; sekoko Mosi a to va katekisa.

Genesisi 47:7

Se Josefa a to tisa tate wakwe, e ta mkombekisa ka Faro, Jakobe a to losa Faro.

Luka 2:34

Se Simiyoni a to va katekisa, na a txi womba ka Mariya, mame wa mwanana, a txi khene: “Mwanana wuwa a emisetwe ku na wisa ni kuwusa vavangi ka nyumba ya Israyeli, a na va kambe i di txikombiso txi txi no kanetwa;

2 Makronika 30:18

Mtalo wa vathu va ka Efrayime, Manasi, va ka Isakari ni Zebhuloni va dyite Pasika va siya khata ngu kubasiswa kambe hi nga tona ti ti nga bhalwa; kambe Ezekhiya a to va kombelela a txi khene: Mkoma awe u ku mnene, tshangana ni vale

2 Samuwele 6:20

Se mbimo yile Dhavhidha a nga wuya ku ta katekisa nyumba yakwe, Mikali, mwana Sawule, a to huma e hingeta Dhavhidha, a txi khene: Wudhumo muni wu nga mahwa ka mfumeli wa ka Israyeli nyamsi, koza u ti funungula masoni ka sithumi sa txisikati sa sithumi sako, wu txi nga m'thu wo pwata mapimo.

1 Samuwele 2:20

Se Eli a to katekisa Elikana ni msikati wakwe, a txi khene: Mkoma a na ku ninge mbewu ngu ka msikati wuwa, ngu mhaka ya txikombelo txile a nga txi maha ka Mkoma. Se va to tshumelela ka wukhalo wawe.

Genesisi 47:10

Jakobe a to salisa ka Faro, a txi khukha e tsula.

Genesisi 14:19

Ene a to katekisa Abramu, a txi khene: “A na katekiswe Abramu ngu Txizimu Nyatxitimwi, M'vangi wa nzuma ni mafu!

Joxuwa 24:28

Msana ka toneto, Joxuwa a to va leka ve tsula, mmwani ni mmwani a txi ya ditendani kwakwe.

1 Samuwele 10:25

Se Samuwele a to zivisa vathu tifanelo ta mfumo, e bhala amu ka dibhuku, e di veka masoni ka Mkoma. Sekoko Samuwele a to hangalasa votshe vathu, mmwani ni mmwani e tsula m'tini kwakwe.

1 Samuwele 13:2

Sekoko Sawule a to ti sawulela 3.000 wa vavamna va ka Israyeli; se 2.000 wawe a ti ti navo kona Mikimaxi ni mmangoni ka Bheteli, se 1.000 wa vona va ti ti ni Jonata kona Gibheya ka Bhenjamini; kambe votshe vathu vale va nga sala a to va tshumeta, mmweyo ni mmweyo eya m'tini kwakwe.

2 Samuwele 6:19

Se a to abanisela sakudya ka votshe vathu ni ka dotshe dibutho da va ka Israyeli, kukhukhela ka vavamna kala ka vavasikati, mmweyo ni mmweyo e mninga dipawu ni dikatha da nyama, ni dibhojela da vhinya; sekoko votshe vathu va to tsula, mmwani ni mmwani e ti yela m'tini kwakwe.

1 Vafumeli 8:66

Se ka ditshiku da wutxhanu ni mararu, a to hangalasa vathu, se vona va to bonga mfumeli; sekoko va to tsula matendani kwawe, va di tsakile ve zilimuka timbiluni kwawe, ngu mhaka ya totshe ta tinene, tile Mkoma a nga mahela txithumi txakwe Dhavhidha, ni vathu vakwe va ka Israyeli.