Joxuwa 22:34 - Bhiblia Yo Sawuleka

³⁴ Vanana va ka Rubheni ni vanana va ka Gadhi va to raya txiluvelo txile ditina daku i Edhi, nguko vona va ti kha vona: “Txiluvelo txiya, txi na va wufakazi hagari kwathu, wa tito, Mkoma ngene i ku Txizimu txa ditshuri.”

Joxuwa 22:34 Referans Kwoze

Matewu 4:10

Se Jesu a to khene: “Khukha Sathani! Ti bhatwe tito: ‘U na khizamela Mkoma Txizimu txako, ngene ekha u no m'khozela.’ ”

Joxuwa 22:27

aniko txi na maha wufakazi hagari kwathu ni nanu ni hagari ka situkulwana sathu, msana kwathu, wufakazi wa ti to ha khozeka Mkoma ngu timhamba tathu to hiswa, ni timhamba ni miningelo yathu yo bonga, kasiku vanana vanu ka mbimo yitako va si ta womba ka vanana vathu va txi kha vona: “Anu kha mi nga ni txyavelo txa Mkoma.”

Isaya 43:10

Anu mi tifakazi tangu, kuwomba Mkoma; txithumi txangu txile ni nga txi sawula; kasi ku mi na tiziva, mi kholwa kwangu, ni ti to mi pfisisa taku ani ngani nipune, ni ti to hahanze kwangu kha ku khali ku va ho tximwani txizimu, ni msana kwangu kha ku na mbi vaho tximwani Txizimu.

1 Vafumeli 18:39

Aha dibutho di nga ti wona tiya, di towa ngu tikhohe ta dona di txi kha dona: Mkoma ngene dwe i ku Txizimu! Mkoma ngene dwe i ku Txizimu!

Joxuwa 24:27

Joxuwa a wombile kambe ka vathu a txi khene: “Wonani dirigwi diya di na va fakazi yi yi no hi mangalela athu, nguko dona di engisile otshe mapswi awa Mkoma a nga hi gela; di na va fakazi kwathu, kasiku, anu mi; si kaneti Txizimu txanu.”

Genesisi 31:47

Labhani a to raya wukhalowo ditina daku i Jegari-Sahadhuta, ani Jakobe a to wu raya ditina daku i Galedhi.

Genesisi 31:48

Sekoko Labhani a wombile, a txi khene: “Mmumbu wuwa kukhukhela nyamsi wu na va fakazi hagari kwangu ni nawe.” Ngu mhaka yeto wukhalo wule a wu dhani ku i Galedhi.

Isaya 19:19

Ka yona yile mbimo, Mkoma a na va ni txiluvelo hagari ka ditiko da Egipta, se ku na akwa txikombiso txa matimu ka Mkoma, m'hinganoni ka dona.