Joxuwa 22:25 - Bhiblia Yo Sawuleka

²⁵ Mkoma a vekile mnambo wa Jordhani kasi kumaha muhingano, hagari kwathu ni nanu, va ka Rubheni ni va ka Gadhi. Anu kha mi nga ni txyavelo ka Mkoma!” Ngu mhaka yeto, vanana vanu va ndi na thela dikhodho vanana vathu, va si thavi Mkoma.

Joxuwa 22:25 Referans Kwoze

Mithumo 8:21

Ka mhaka yiya khu na txyavelo hambi thomba, nguko mbilu yako kha ya lulama masoni ka Txizimu.

Nehemiya 2:20

Sekoko, ni to va xamula ni txi khani: Txizimu txa nzumani, ngu txona txi no hi humelelisa; se athu sithumi sa txona, hi na khukha hi aka; kambe anu kha mi na txyavelo, hambi fanelo, ni txyalakanyiso amu Jerusalema.

1 Vafumeli 15:30

ngu mhaka ya sionho sa Jerobhowamu, a nga onha e onhisa ni Israyeli, ni mhaka ya tile a nga vhilukisisa tona kuhenya ka Mkoma, Txizimu txa Israyeli.

1 Vafumeli 14:16

A na ningela Israyeli ngu mhaka ya sionho sa Jerobhowamu, a nga onha e onhisa ni Israyeli.

1 Vafumeli 12:16

Msana ka kuva votshe Vaisrayeli va di ti woni taku mfumeli kha va engisi, vathu va to tshumela ve mxamula ku kha vona: Njiavelo muni hi ku natxo athu ka Dhavhidha kani? Kha hi mani thomba ka mwana Jese. Tsula matendani kwako awe Israyeli! Ninga koko, ka nyumba yako, awe Dhavhidha. Se Israyeli a to tsula matendani kwakwe.

2 Samuwele 20:1

Sekoko ku to dhuka kumaneka wamwamna wa Bheliyali, wule ditina dakwe i nga ti ti Sebha, mwana Bhikiri, m'thu wa ka Bhenjamini, wule a nga veta mpundu, a txi khene: Kha hi nga ni txyavelo ka Dhavhidha, hambi thomba ka mwana Jese; anu va ka Israyeli, mmwani ni mmwani a na tsule ditendani kwakwe.

1 Samuwele 26:19

Konkuwa koko, na ku kombela awe mfumeli nyamne wangu, ti to u engisa mapswi a txithumi txako: Ngako Mkoma a txi kukurumeta ku ni wukela, a na amukele mningelo wa sakudya; kambe ngako i di vanana va vathu va na ruketelwe masoni ka Mkoma; nguko nyamsi vona va ni tutumisile, kasi ku ni si mani txyavelo txa thomba ya Mkoma, va txi kha vona: Tsula, u ya thumela simwani sizimu.

Joxuwa 22:27

aniko txi na maha wufakazi hagari kwathu ni nanu ni hagari ka situkulwana sathu, msana kwathu, wufakazi wa ti to ha khozeka Mkoma ngu timhamba tathu to hiswa, ni timhamba ni miningelo yathu yo bonga, kasiku vanana vanu ka mbimo yitako va si ta womba ka vanana vathu va txi kha vona: “Anu kha mi nga ni txyavelo txa Mkoma.”

Joxuwa 22:24

Kha ditshuri! Hi ti mahile toneto ngu kuthava ti to ka mbimo yi tako, vanana vanu va nata womba ka vanana vathu va txi kha vona: “Mi ziva txani ngu ta Mkoma, Txizimu txa ka Israyeli, kani?

Joxuwa 22:26

Ngu toneto, athu hi ti khathu: He akeni txiluvelo, na i si nga txiluvelo txa mningelo wo hiswa, hambi yimwani mhamba,

Masalmo 16:5

Mkoma, awe u txyavelo txangu, digombe di di ni lumbako; wutomi wangu wu manzani kwako.