Joxuwa 22:23 - Bhiblia Yo Sawuleka

²³ ni kungako hi di akile txiluvelo kasi kutshuralela Mkoma, hi txi maha kona mningelo wo hiswa ni mningelo wa sakudya, mwendo hi maha kona mphaxo wa kudikha, Mkoma a na hi thethise!

Joxuwa 22:23 Referans Kwoze

1 Samuwele 20:16

Ngu kumaha keto, Jonatani a to maha txitumelelano ni nyumba ya Dhavhidha, a txi khene: Mkoma a na ti photele ka dianza da valala va Dhavhidha.

Dhewuteronome 18:19

Se ngako ku txi maneka m'thu wo mbi engisa mapswi anu, aawa ma no huwelelwa ngu mprofeti ditinani kwangu, ani nipune ni na m'dhana e ta ti xamulela.

Ezekhiyele 33:8

Ni txi khani ka m'bihi: Awe m'bihi, ngu ditshuri u na fa; se awe u si wombi kasi ku hambukisa m'bihi ka nzila yakwe, m'bihiyo a na fa ka wubihi wakwe, aniko mnoha wakwe, ni na wu lava manzani kwako.

Ezekhiyele 33:6

Kambe ngako muwoneleli a txi wona taku data ditxhari, asi veti mpundu, se vathu va si txharihiswi; ngako ditxhari di txi ta daya wokari hagari kwawe, m'thu wuwa a datwe ngu mhaka ya wubihi wakwe, aniko mnoha wakwe, ni na wu lava manzani ka muwoneleli.

Ezekhiyele 3:18

Ngako ni txi khani ka wa kubiha: Ngu ditshuri u na fa; u si mtxharihisi, u si wombawombi, u txharihisa wa kubiha, ka nzila yakwe yo biha, kasi kuhanyisa wutomi wakwe, m'bihi wule a na fa ka wubihi wakwe, aniko mnoha wakwe, ni na wu lava manzani kwako.

2 Makronika 24:22

Mfumeli Jowasi kha khumbula wunene awule mphaxeli Joyadha, tate wa Zakariya a nga mmahela wona. A to m'dayela mwanana wakwe, awule mbimo yile a nga ti lava kufa a nga khene: Mkoma, wona a ti va ti mahako, wu va tshumetela!

Dhewuteronome 12:11

Sekoko ku nava ni wukhalo wule a no wu sawula Mkoma, Txizimu txanu, kasi ku ditina dakwe di zumba kona; mi na tisa koneho sotshe si ni mi leletako: Miningelo yanu yo hiswa, ni miphaxo yanu, ni sa wugumi sanu, ni mningelo wo ndiwitelwa wa manzani kwanu, ni sotshe si mi nova mi di xambanyile ka Mkoma.

Genesisi 9:4

Aniko mi nga dyeni nyama ni mnoha wa yona, nguko mnoha mbutomi.

Joxuwa 22:24

Kha ditshuri! Hi ti mahile toneto ngu kuthava ti to ka mbimo yi tako, vanana vanu va nata womba ka vanana vathu va txi kha vona: “Mi ziva txani ngu ta Mkoma, Txizimu txa ka Israyeli, kani?