Joxuwa 22:22 - Bhiblia Yo Sawuleka

²² Txizimu txa sizimu, Mkoma, Txizimu txa sizimu, Mkoma, Ene wa tiziva, ni Israyeli nene a fanete ku tiziva; ngu didhawa dathu ngako hi di mahile wuhurupha mwendo kueyisa Mkoma wathu, ene a na leke ku hi hulukisa ka ditshiku da nyamsi,

Joxuwa 22:22 Referans Kwoze

1 Vafumeli 8:39

va engise awe koko nzumaniyo, ka txitulu txi u zumbako ka txona, divalela, maha, ninga ka mmweyo ni mmweyo madingano ni mahanyelo akwe, ni ti u nga wonisako tona mbilu yakwe, nguko ngawe wekha u zivako timbilu ta vanana va vathu.

Dhewuteronome 10:17

Nguko koko Mkoma, Txizimu txanu, Njizimu txa sizimu, Mkoma wa vakoma, Njizimu txa hombe, nyamitamo, wa kuthaviseka, awule a ku si nga ni txisawulela hagari ka vathu, awu asi tumeliko kuxawa.

Masalmo 44:21

ina Txizimu kha txi na mbi tiziva tona eto kani? Nguko txona txa ziva txihunja txa mbilu yathu.

Jobe 10:7

Awe wa tiziva ngu kumweko taku, ani kha ni nga m'bihi; kambe kha nga ho ni wammweyo wa ku ni thavisa manzani kwako.

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Vahebheru 4:13

Kha txi nga ho txiwumbwa ni txa tximwetxo txi sikotako kusisala masoni ka Txizimu, nguko, sotshe si tulekile si txi maneka si di ha kubasani masoni ka wule hi fanelako kuya thethiswa ngu ngene.

1 Timoti 6:16

awu i ku ekha wa wutomi wo mbi guma, a zumbako kuwonekelani ko mbi manelwa, awu a nga mbi wonwa, kambe asi sikotiko kuwonwa ngu m'thu ni wammweyo; kwakwe ku nave ni txithavo ni wukoma wo mbi guma. Amen!

2 Vakorinto 11:31

Txizimu ni Tate wa Mkoma Jesu Kristu, txi dhumisekako kala kupinduka, txa tiziva ti to kha ni wombi makuhu:

2 Vakorinto 11:11

Ngu txani kani? Ngukuva ni si mi randi kani? Txizimu txa tiziva ti to na mi randa!

2 Vakorinto 5:11

Ngu konaho, ngako hi zivako kuthisa ka Mkoma, ha khongotela ti to vathu ve kholwa ka Txizimu, txona txa tiziva kha kwati ati hi nga zumbisa tona, kambe na kholwa ti to ha zivaneka kha kwati ni kona livhaloni kwanu.

Mithumo 25:11

Ngako hakunene ni di mahile to biha, ngako ni di mahile txionho txi txi dinganako ku ni dawa, kha ni lambi kufa. Aniko, ngako ku si nga ni ditshuri ka minandu yi va ni mangalelako ngu yona, awalo m'thu wu a sikotako ku ni ningela manzani kwawe. Ni kombela kulamulwa ngu Khezari.”

Mithumo 1:24

Se ve khongela, va txi kha vona: “Mkoma, awe u zivako timbilu ta votshe, kombisa awu u nga mu sawula ka va va vambidi,

Johani 21:17

A to mu wotisa da wuraru, a txi khene: “Simoni, mwana Johani, awe wa ni randa kani?” Pedro a to thelwa dikhodho nguko Jesu a nga mu wotisa ka wuraru, a txi khene: “Awe wa ni randa kani?” Se a mu xamute, a txi khene: “Mkoma, awe wa tiziva totshe. Awe wa tiziva ta tinene ti to ani na kuranda.” Jesu a mgete, a txi khene: “Dyisa tinvuta tangu.

Malakiya 3:18

Sekoko mi na wona kambe kuhambana ka wo lulama ni wo biha, hagari ka wule a thumelako Txizimu, ni wule asi txi thumeliko.

Mika 7:9

Ni na xaniswa ngu kuhenya ka Mkoma, nguko ni mu onhete, kala kuza e lamula mhaka yangu, e ni mahela madingano angu, ene a na ni wuyisa kuwonekelani, se ani ni na wona kululama kwakwe.

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

Dhaniyeli 2:47

Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Jeremiya 12:3

O Mkoma, awe wa ni ziva, wa ti wona, wa xola mbilu yangu ti taku yi zumbisa kutxani kwako. Va khumule nga tinvuta ti ti yiswako txitshindoni, va longisele ditshiku da kudawa.

Masalmo 136:2

Dhumisani Txizimu txa sizimu; nguko lirando lakwe nda kala kupinduka!

Masalmo 97:7

Va na wiswa tingana votshe vale va khozelako sithombe, votshe vale va ti guletako ngu sizimu so mbi vhuna txilo; ni sotshe sizimu si na khizamele Mkoma Txizimu!

Masalmo 95:3

Nguko Mkoma Njzimu txa hombe, kambe Mfumeli wa hombe txitimwi ka sotshe sizimu.

Masalmo 82:1

Txizimu txi khalahatshile msengeletanoni ka nzumani; txi lamula hagari ka sizimu txi txi kha txona:

Masalmo 37:6

Ene a na wonekelisa kululama kwako ni fanelo yako kufana ni ditambo di woningako ni mitshikari.

Jobe 23:10

Kambe Txizimu txa ziva nzila yangu; txi na ni dukete, ni na huma kufana ni nzalama.

1 Samuwele 15:23

Nguko kutitsimba kufana ni txionho txa wuloyi, ni kutikulisa kufana ni wubihi ni kukhozela sifananiso. Nga kule awe u nga lamba dipswi da Mkoma, nene a ku lambile, kasi ku u si mahi mfumeli.

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Joxuwa 22:21

Sekoko vanana va ka Rubheni, ni vanana va ka Gadhi, ni hafu ya lihunzu la ka Manasi, va to xamula ka misungo ya magumi a mazana a va ka Israyeli, va txi kha vona:

Masalmo 40:9

Ni nuwete sithembiso sako masoni ka votshe vathu; awe wa tiziva, Mkoma, ti to kha na malala!

Masalmo 50:1

Txizimu txa mtamo wotshe, Mkoma a wombile; a rambile vaaki va ha mafuni kukhukhela wutxani kala mswa-ditambo.

1 Samuwele 2:3

Mi nga andiseni mapswi o tikulisa, ni mapswi o ti guleta ma nga hume sisofuni kwanu; nguko Mkoma, Njizimu txa wutxhari, ene wa veka mithumo yathu ha txikaloni.

Jobe 31:22

sekoko txiphanga txangu txi na we ngu ha ka dikata, di na funyeke diwoko dangu ngu mu ka dirambu.

Masalmo 44:22

“Ha dawa ngu mhaka yako dotshe ditshiku. Hi wonwa nga tinvuta to emiselwa kuya kudawani.”