Joxuwa 22:18 - Bhiblia Yo Sawuleka

¹⁸ Se nyamsi ma tshuralela Mkoma, ati ti kombako to akuwa nyamsi mi wukelako Mkoma, mangwana dikhulo dakwe di na vhutuka di txi wukela wotshe msengeletano wa ka Israyeli.

Joxuwa 22:18 Referans Kwoze

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

Joxuwa 22:16

Wotshe msengeletano wa Mkoma wu womba tiya: Njionho muni txona txiya mi nga txi maha, txa kuwukela Mkoma, Txizimu txa ka Israyeli, akuwa nyamsi mi tshuralelako Mkoma, mi ti akela txiluvelo, atxiya i ku txiruko txo wukela Mkoma, kani?

2 Makronika 34:33

Se Josiya a to thavisela sotshe so nyenyeza sa matiko otshe a vanana va Israyeli e maha ti to votshe va va ku ditikoni ka Israyeli ve khozela Mkoma, Txizimu txawe; ka masiku otshe a kuhanya kwakwe, va Israyeli kha va leka Mkoma, Txizimu txa vatate vawe.

2 Makronika 25:27

Se kukhukhela ka mbimo yile Amaziya a nga tshuralela Mkoma, va to mu wukela kona Jerusalema, aniko ene a to tutuma eya Lakisi; hambi keto, va to rumela vathu vo mlondeta kona Lakisi, veya m'daya.

1 Makronika 21:14

Mkoma koko, a to rumela mtungu ditikoni ka Israyeli; se ku to fa 70.000 wa vathu.

1 Makronika 21:1

Sekoko Sathani a to wukela va ka Israyeli, e kujetela Dhavhidha kubala va ka Israyeli.

2 Vafumeli 17:21

Nguko msana ka kule Mkoma a nga abanisa Israyeli ka nyumba ya Dhavhidha, va to fumisa Jerobhowamu mwana Nebhate; Jerobhowamu a to hambukisa Israyeli amu ka kulondisa Mkoma, e va maha ve onha txionho txa hombe.

1 Vafumeli 9:6

Sekoko, ngako anu ni vanana vanu mi txo dhuka mi ti lava mi khukha kwangu, mi si vekisi sirumo sangu ni sileleto sangu asi ni nga mi ninga, aniko mi tsula mi ya khozela simwani sizimu, ni kunama masoni ka sona,

2 Samuwele 24:1

Se kuhenya ka Mkoma ku to engeta kuwukela va ka Israyeli, ene a to kujetela Dhavhidha ku va wukela a txi khene: Tsula u ya bala va ka Israyeli ni va ka Judha.

1 Samuwele 12:20

Sekoko Samuwele a to khene ka vathu: Mi nga thaveni! Hambi ku anu mi nga maha wotshe wubihi wuwa; kambe mi nga lekeni nzila ya Mkoma, aniko thumelani Mkoma ngu mbilu yanu yotshe.

1 Samuwele 12:14

Se ngako mi txi thava Mkoma, ni ku mthumela, ni kuengisa dipswi dakwe, kambe mi si leki sileleto sa Mkoma, anu ni mfumeli wu a fumako txitimwi kwanu, mi na londeta Mkoma, Txizimu txanu.

Joxuwa 22:20

Mbimo yi Akane, mwana Zare, a nga maha ta walo ngu kuteka simaha so handwa, txiviti txa Mkoma kha txa tsayisa wotshe msengeletano wa ka Israyeli kani? Hi nga ene ekha Akane a nga fa ngu txionho txakwe.

Joxuwa 7:21

Mbimo yile ni nga wona dijasi do tshura hagari ka sile so handwa, ni 200 wa maxekele a silivhela, ni dibwinzi da nzalama ya mtxhanu wa magumi a maxekele, ni to si navela ni txi si teka, wona taku, ni si sisile hahatshi ka mafu, hagari ka ditenda dangu, se silivhela yi ngu hahatshi ka sotshe.”

Joxuwa 7:11

Vathu va ka Israyeli va onhile, kambe va lekile txitumelelano txangu, atxi ni nga va leleta, va txi za ve teka ni sile so yiliswa, va pite, ni kuwomba makuhu, kala va txi si veka hahatshi ka tithundu tawe.

Joxuwa 7:1

Aniko vanana va ka Israyeli va to ti mahela mnandu, ngu kunavela asi si nga yiliswa; nguko Akane, mwana Karimi, mwana Zabhedhi, mwana Zera, wa lihunzu la ka Judha, a to teka simaha si si nga yiliswa, se kuhenya ka Mkoma ku to vhutuka, a txi wukela vanana va ka Israyeli.

Dhewuteronome 7:4

Nguko vanana vako va nga hambukiswa ngu vona, va txi khozela simwani sizimu, se txiviti txangu ani Mkoma, txi nga tura, txi mi lovisa ngu kukuluveta.

Levhi 10:6

Se Mosi a to womba ka Aroni ni ka vanana vakwe, i ku Eleyazari ni Itamari, a txi khene: Anu mi nga vhununguleni misungo yanu hambi kuvharhula syambalo sanu, mi txi komba ku va dila, nguko mi nga fa, ngu kuva mi di vhutukisile dikhulo da Txizimu hagari ka msengeletano wotshe, kambe maxaka anu vanana va ka Israyeli, ngu vona va no dila ngu mhaka ya wuhya wuwa Mkoma a nga wu maha.

Mitengo 32:15

Ngako mi txi leka ku mlondeta, nene a na tshumela kambe e va leka votshe vale va ku txiwulani, se a na va xasela.

Joxuwa 22:15

Va di hokile ka vanana va ka Rubheni, ka vanana va ka Gadhi ni ka hafu ya lihunzu la ka Manasi, va to ya kha vona: