Joxuwa 22:16 - Bhiblia Yo Sawuleka

¹⁶ Wotshe msengeletano wa Mkoma wu womba tiya: Njionho muni txona txiya mi nga txi maha, txa kuwukela Mkoma, Txizimu txa ka Israyeli, akuwa nyamsi mi tshuralelako Mkoma, mi ti akela txiluvelo, atxiya i ku txiruko txo wukela Mkoma, kani?

Joxuwa 22:16 Referans Kwoze

Joxuwa 22:11

Vanana va ka Israyeli, va to engisa vathu va txi womba va txi kha vona: Wonani, vanana va ka Rubheni, ni vanana va ka Gadhi, ni va hafu ya lihunzu la ka Manasi, va akile txiluvelo txa hombe, txi dingetanako ni ditiko da Kanana, hafuhi ka mnambo wa Jordhani ngu didhawa da vanana va ka Israyeli.

Joxuwa 22:15

Va di hokile ka vanana va ka Rubheni, ka vanana va ka Gadhi ni ka hafu ya lihunzu la ka Manasi, va to ya kha vona:

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

Ezra 8:22

Nguko ni vile ni tingana kukombela masotxhwa ka mfumeli, ni vagadhi va mahantxhi ku hi vhikela ka valala nzilani, ngako hi nga ti ti wombile ka mfumeli ku khathu: Dianza da Txizimu txathu di txitimwi ka votshe vale va txi lavako ngu ta tinene, aniko mtamo wa txona ni txiviti txa txona, si txitimwi ka vale va txi lekako.

Levhi 17:8

U na va gela ku khawe: Ngako m'thu wa ka Israyeli, mwendo mluveli wu a nga aka navo, a txi lava kumaha mningelo wo hiswa mwendo yimwani mhamba,

Mitengo 32:15

Ngako mi txi leka ku mlondeta, nene a na tshumela kambe e va leka votshe vale va ku txiwulani, se a na va xasela.

Dhewuteronome 12:11

Sekoko ku nava ni wukhalo wule a no wu sawula Mkoma, Txizimu txanu, kasi ku ditina dakwe di zumba kona; mi na tisa koneho sotshe si ni mi leletako: Miningelo yanu yo hiswa, ni miphaxo yanu, ni sa wugumi sanu, ni mningelo wo ndiwitelwa wa manzani kwanu, ni sotshe si mi nova mi di xambanyile ka Mkoma.