Joxuwa 22:15 - Bhiblia Yo Sawuleka

¹⁵ Va di hokile ka vanana va ka Rubheni, ka vanana va ka Gadhi ni ka hafu ya lihunzu la ka Manasi, va to ya kha vona:

Joxuwa 22:15 Referans Kwoze

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

1 Vakorinto 5:4

Ngu ditina da Mkoma wathu Jesu, na anu mi di tshanganile ni moya wangu, ngu mtamo wa Mkoma wathu Jesu,

1 Vakorinto 1:10

Kambe na mi khongotela, vanathu, ngu ditina da Mkoma Wathu Jesu Kristu, ti to motshenu mi fanete kuva ni kupfana kuwomba-wombani kwanu, ni ti to mi zumba mi si nga ni mibhando hagari kwanu; mi fanete kupfanana ngu moya ni mialakanyo ya mbilu.

Matewu 18:17

Se ngako a txi lamba kambe ku va engisa, tsula u txi ya bika mhaka banzani. Sekoko, ngako a txi lamba ku di engisa ni dona dibanza, kwako a nave i di wa matiko mwendo mkhupisi.”

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

Masalmo 78:8

va si fani ni vatate vawe, i nga ti liveleko la sindaka-milayo, siphukuphuku i ku liveleko li nga mbi xayisa mbilu ya lona, ni moya wa lona wu nga mbi thembeka ka Txizimu.

Ezra 9:15

O! Mkoma, Txizimu txa ka Israyeli, awe u lulamile, nguko hi hulukile, ngako ti wonekako nyamsi; wona taku hiho masoni kwako, kudilani kwathu, nguko kha ngaho ni wammweyo wo dingana kuva masoni kwako, ngu mhaka ya toneto.

Ezra 9:2

nguko va tekile mahorana a vamatiko ve ma maha vasikati vawe ni va vanana vawe, ngu kumaha keto ku to patana mbewu yo sawuleka ni vathu va mafu awa, kambe manza a madhota ni a vathangeli ngu ona ma nga khatisa kuhambunyeta kuwa.

2 Makronika 28:13

Va txi kha vona: Mi nga wuletiseni tikhumbi tiya amuwa, nguko mi nga hi engetela sionho sathu ni minandu yathu ka Mkoma, mnandu wathu mbwa hombe ni kuhenya ka hombe ka Mkoma ku txitimwi ka vanana va ka Israyeli.

2 Makronika 26:18

Ve ya wulela ve mtsimba mfumeli Uziya, va txi kha vona: Uziya, mthumo wo hisa dibaselo masoni ka Mkoma hi nga wako, mbwa vaphaxeli, vanana va Aroni, a va hi ku vona va nga sawulwa kuhisa dibaselo, huma dithepeleni muwa! Mhaka yi u yi mahako kha yi na kutsanisa kukatekiswa ngu Mkoma Txizimu.

2 Makronika 25:27

Se kukhukhela ka mbimo yile Amaziya a nga tshuralela Mkoma, va to mu wukela kona Jerusalema, aniko ene a to tutuma eya Lakisi; hambi keto, va to rumela vathu vo mlondeta kona Lakisi, veya m'daya.

2 Makronika 10:19

Ngu toneto, va ka Israyeli va to wukela nyumba ya ka Dhavhidha, kala ditshiku da nyamsi.

1 Makronika 21:3

Sekoko Jowabhi a to khene: Mkoma a na engetele ka 100 mtengo wa vathu vava; awe mfumeli, nyamne wangu, ina hi nga sona sotshe sithumi sa nyamne wangu kani? Kambe ngu kutxani awe nyamne wangu e lava kuziva mhaka yiya kani? Ina kha ti na mbi onhisa va ka Israyeli kani?

1 Samuwele 15:23

Nguko kutitsimba kufana ni txionho txa wuloyi, ni kutikulisa kufana ni wubihi ni kukhozela sifananiso. Nga kule awe u nga lamba dipswi da Mkoma, nene a ku lambile, kasi ku u si mahi mfumeli.

Joxuwa 22:18

Se nyamsi ma tshuralela Mkoma, ati ti kombako to akuwa nyamsi mi wukelako Mkoma, mangwana dikhulo dakwe di na vhutuka di txi wukela wotshe msengeletano wa ka Israyeli.

Joxuwa 22:12

Ngako va di engisile mhaka yiya, vanana va ka Israyeli va to tshanganisa wotshe msengeletano, kasi kuve tsula va txi yalwa navo.

Dhewuteronome 30:17

Kambe ngako mbilu yako yi txi hambuka, u si engisi, u tumela kundindwa, u khizama masoni ka simwani sizimu, u txi si khozela.

Dhewuteronome 7:4

Nguko vanana vako va nga hambukiswa ngu vona, va txi khozela simwani sizimu, se txiviti txangu ani Mkoma, txi nga tura, txi mi lovisa ngu kukuluveta.

Mitengo 32:15

Ngako mi txi leka ku mlondeta, nene a na tshumela kambe e va leka votshe vale va ku txiwulani, se a na va xasela.

Mitengo 14:43

Nguko Vaamaleki ni Vakanana va masoni kwanu; anu mi na fuletelwa ngu matxhari awe, nguko anu mi tshuralete Mkoma; se nene Mkoma kha na mbi va ni nanu.”

Mitengo 5:6

Womba kambe ka vanana va ka Israyeli u txi khawe: Ku nga ti m'thu, wamwamna mwendo wamsikati a txi maha txionho txo hambana ni wuthu, eyo m'thu a na va a di onhete Mkoma; se eyo m'thu ana ni mnandu wa toneto.

Levhi 26:40

Sekoko va na ti tshanza ngu wubihi wawe, ni wubihi wa vatate vawe, ni wuhambunyeti wawe, asile va nga ni onhela ngu sona; kambe va na womba ku kha vona, ngu mhaka ya kule va nga ni onhela,

Levhi 5:19

I mhamba yo divalela mnandu; kha ditshuri ka Txizimu, a ti manisile mnandu.

Eksodha 32:8

Ngu kukuluveta va hambukile ka nzila yi ni nga va leletela. Va ti mahete dirole da nzalama yo khandwa, ve di khozela, ni ku di mahela mphaxo, va txi kha vona: “Asiya nzizimu sako awe Israyeli, asi si nga kuhumisa ditikoni ka Egipta!”

Joxuwa 22:14

a di kumweko ni digumi da vathangeli, ka nyumba yimweyo ni yimweyo ya vatate vawe, mthangeli mmweyo, ka totshe tihunzu ta ka Israyeli; se mmweyo ni mmweyo i ti ti msungo wa nyumba ya vatate vawe, ka magumi a mazana a va ka Israyeli.

Joxuwa 22:16

Wotshe msengeletano wa Mkoma wu womba tiya: Njionho muni txona txiya mi nga txi maha, txa kuwukela Mkoma, Txizimu txa ka Israyeli, akuwa nyamsi mi tshuralelako Mkoma, mi ti akela txiluvelo, atxiya i ku txiruko txo wukela Mkoma, kani?