Joxuwa 22:10 - Bhiblia Yo Sawuleka

¹⁰ Ngako va di hokile hafuhi ka mnambo wa Jordhani, ditikoni ka Kanana, vanana va ka Rubheni, ni vanana va ka Gadhi, ni vanana va hafu ya lihunzu la ka Manasi, va to aka kona ha mabambe ka mnambo wa Jordhani, txiluvelo txa hombe, atxi txi nga txi woneka ni kule.

Joxuwa 22:10 Referans Kwoze

Genesisi 28:18

Sekoko Jakobe a di wukile ni mixo, a to teka dirigwi di a nga ti di mahile txikhigelo, e di emisa di maha txialakanyiso, e thela mtona tximwi ka dona.

Joxuwa 22:9

Vanana va ka Rubheni ni vanana va ka Gadhi va to tsula kumweko ni hafu ya lihunzu la ka Manasi, va txi siya vanana va ka Israyeli kona Silo, ditikoni ka Kanana, va txi ya ditikoni ka Gileyadhi, adile i kuthomba yawe, va nga ningwa madingano ni txileleto txi a nga txi maha ngu Mosi.

Joxuwa 22:11

Vanana va ka Israyeli, va to engisa vathu va txi womba va txi kha vona: Wonani, vanana va ka Rubheni, ni vanana va ka Gadhi, ni va hafu ya lihunzu la ka Manasi, va akile txiluvelo txa hombe, txi dingetanako ni ditiko da Kanana, hafuhi ka mnambo wa Jordhani ngu didhawa da vanana va ka Israyeli.

Isaya 19:19

Ka yona yile mbimo, Mkoma a na va ni txiluvelo hagari ka ditiko da Egipta, se ku na akwa txikombiso txa matimu ka Mkoma, m'hinganoni ka dona.

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Genesisi 12:8

A di khukhile konaho a to ya ka mmango wu wu ku ngu didhawa da wutxani ka Bheteli, eho a to emisa ditenda dakwe, Bheteli ku txi zumbela mswa-ditambo, se Ayi, ku ti zumbela didhawa da wutxani. Koneho Abramu a to akela Mkoma txiluvelo, atxi khozela kona ditina da Mkoma.