Joxuwa 21:7 - Bhiblia Yo Sawuleka

⁷ Vanana va ka Merari, ngu mtengo wa timwaya tawe, va mani txyavelo txa digumi da madhoropa ni mambidi a kuhuma ka lihunzu la ka Rubheni ni la ka Gadhi, ni la ka Zebhuloni.

Joxuwa 21:7 Referans Kwoze

1 Makronika 6:63

Vanana va Merari, madingano ni mimwaya yawe, ka lihunzu la ka Rubheni, ni ka lihunzu la ka Gadhi, ni ka lihunzu la ka Zebhuloni, ngu dikato, va mani digumi da madhoropa ni mambidi.

Mitengo 3:20

Vanana va Merari ngu mimwaya yawe: Mahili ni Muxi. Asiya ngu sona sike sa Valevhi ni tinyumba ta vatate vawe.

Eksodha 6:19

Se vanana va Merari ngu vava: Mali ni Musi; atiya ngu tona timwaya ta ka Levhi, madingano ni tiveleko ta kona.

Joxuwa 21:6

Vanana va ka Gerisoni va mani dikato da txyavelo txa madhoropa a digumi ni mararu a kuhuma amu ka lihunzu la ka Isakari, ni la ka Aseri, ni la ka Naftali ni ka hafu ya lihunzu la Manasi, kona Bhasani.

Joxuwa 21:8

Vanana va ka Israyeli va ningete ka Valevhi, madingano ni ditiko dawe, ona madhoropa awe ni tibala ta wudyiselo wa sifuyo, nga ti Mkoma a nga va leletisa tona, ngu txisofu txa Mosi.

1 Makronika 6:62

Se vanana va Gerisoni, madingano ni mimwaya yawe, va lihunzu la Isakari, ni va lihunzu la Aseri, ni va lihunzu la Naftali, ni va lihunzu la Manasi, va to mana digumi da madhoropa ni mararu, kona Bhasani.