Joxuwa 21:43 - Bhiblia Yo Sawuleka

⁴³ Ti di ngeto, Mkoma a ningete ka vanana va ka Israyeli ditiko dotshe dile a nga thembisa ngu kuxambanya, ti to a na di ningela ka vatate vawe. Va to di amukela ve zumba ka dona.

Joxuwa 21:43 Referans Kwoze

Genesisi 13:15

Dotshe ditikodo u di wonako, ni na kuninga, awe ni lotshe liveleko lako, kala kupinduka.

Genesisi 28:4

Txizimu txi na ku ninge awe ni liveleko lako, kateko ya Abrahamu, kasiku u txi teka ditiko di u nga zumba ka dona, di maha dako, adi Txizimu txi nga ninga Abrahamu.”

Masalmo 44:3

Kunene hi nga mhaka ya mtamo wa matxhari awe va nga sikota kuhonyola ditiko, hi nga mhaka ya wurena wa mawoko awe va nga za ve di mana; aniko va di mani ngu mtamo wako wa hombe, niko u nga ti hafuhi navo, nguko awe u ti va randa.

Dhewuteronome 11:31

Nguko mi na txhatuka Jordhani mi ya wulela ni kuteka ditiko di Mkoma, Txizimu txanu, a mi ningako; se di na mi lumba, mi aka ka dona.

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Dhewuteronome 17:14

Mbimo yile u no wulela ka ditiko dile Mkoma, Txizimu txako, a no kuninga, kasi ku u txi di teka, ni kuva u txi aka ka dona, se u txi pimisa u txi khawe: Ni lava ku ti emisela mfumeli, kufana ni mifumo yotshe yi yi nga ni randela;

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Dhewuteronome 34:4

Se Mkoma a to m'gela a txi khene: Adiya, ditiko di ni nga thembisa ngu txixambanyo ka Abrahamu, ka Isaake, ni ka Jakobe, ni txi khani: “Ani ni na di ningela ka liveleko lako! Ani ni di kombisile kwako, kasi ku u na di wona ngu maso ako, kambe awe khu na mbi wulela ka dona.”

Mitengo 33:53

se mi na honyola ditiko mi zumba ka dona; ngako ni nga mi ninga ditiko diya, kuva di mi lumba.

Joxuwa 21:42

Madhoropa awa, dimwani ni dimwani ka ona, di ti ni wudyiselo wa dona, ka otshe madhawa. I ti toneto ka otshe madhoropa.

Nehemiya 9:8

Se u wona kuthembeka ka mbilu yakwe masoni kwako, u maha nayo txitumelelano, txo ninga vanana vakwe ditiko da Vakanana, ni da Vaamori, ni da Vafarezi, ni da Vajebhusi, ni da Vagirigasi; se u tsanisile mapswi ako, nguko u lulamile.

Nehemiya 9:24

Ngu kumaha keto, vanana vawe va to wulela ka dona ve di teka; se u wisile hahatshi masoni kwawe, vahanyi va ditiko dile, i ku Vakanana, u va ningela manzani kwawe, ni vafumeli, ni vathu va ditiko, kasi ku va Israyeli va na maha kuranda kwawe ngu vona.

Mitengo 34:2

Gela vanana va ka Israyeli u txi khawe: Ngako mi di wulete ditikoni ka Kanana, ditiko diya di na va thomba yanu: Ditiko da Kanana, madingano ni mihingano ya dona.

Dhewuteronome 12:29

Ngako Mkoma, Txizimu txako, a di fuvisile matiko masoni kwako, aya u yelako kuya ma teka me maha ako, u txi aka ka ona,

Joxuwa 1:6

U fanete kuva ni mtamo, u txi tsanisa mbilu, nguko ngawe u no abanisela ditiko ka vathu vava, adi ni nga xambanya ka vatate vawe, ti to ni na va ninga.

Valamuli 11:24

Khu na mbi fumela matiko ale txizimu txako Kamosi txi nga kuninga, u txi ma khozisa kani? Ngu toneto, athu hi na xayisa sotshe si Mkoma, Txizimu txathu, a nga tekela vamwani a txi hi ninga.

1 Samuwele 12:8

Mbimo yile Jakobe a nga wulela Egipta, vatate vanu va to dila ka Mkoma, se Mkoma a to rumela Mosi ni Aroni, i ku vona va nga humisa vatate vanu Egipta ve ta va veka ka wukhalo wuwa.

2 Makronika 20:8

Se va to aka ka dona ni kuakela ditina dako nyumba yo sawuleka va txi kha vona:

Masalmo 78:55

Txi tutumisile vamatiko masoni ka Vaisrayeli, txi abanisela thomba yawe ka vathu va txona txi akisa tihunzu ta ka Israyeli matendani kwawe.

Masalmo 105:8

Mkoma wa alakanya yotshe mbimo txitumelelano txi a nga tximaha, txitumelelano txi a nga xambanya ku txi veketa ka tiveleko ta magumi a mazana.

Jeremiya 32:23

va tota ve ta di khozisa, aniko kha va engisa dipswi dako, hambi kutsimbila ngu mlayo wako; ni totshe ti u nga ti va layile ku ti maha, kha va ti maha; uza u txi va humisela otshe makhombo awa.