Joxuwa 20:4 - Bhiblia Yo Sawuleka

⁴ Se a txi thavela ka dimwedo da ona madhoropa awa, a na ya bwaka a txi ema ha txikeni ka didhoropa, a txi xawutela mhaka yakwe hagari ka madhota a dona didhoropedo. Se vona va na mu amukela didhoropani kwawe, va txi mkomba wukhalo wu a no zumba ka wona hagari kwawe.

Joxuwa 20:4 Referans Kwoze

Jeremiya 38:7

Ngako Ebhedhi-Meleki, Muetiyopiya, mthenwa wu a nga ti nyumbani ka mfumeli, a di ti pfite ti to Jeremiya va mtshotshile diphalani, na mfumeli a ti khalahatshile ha txikeni ka Bhenjamini.

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

Mavingu 31:23

Mwamna wakwe a zivaneka a di ngadi ha txikeni, mbimo yile a khalahatshako ha lirendoni ka madhota a mafu.

Masalmo 26:9

U nga ni fuvise kumweko ni vaonhi; ni hulukise ka txitsayiso txa sigevenga,

Jobe 29:7

mbimo yile ni nga ti ti huma ngu txike txa didhoropa, ni txi rumisa taku ve ni vekela txitulu txangu.

Jobe 5:4

Vanana va txona va kule ni kuhanyiswa; se va phaphawulelwa sikenini, aniko kha ku nga ni wo va hulukisa.

Joxuwa 20:3

Kasi ku a txi thavela kona, awule a dayako m'thu ngu phango, i si nga ngu kumaha khakwenye, a txi ti hulukisa ka mphoteli wa mnoha.