Joxuwa 20:3 - Bhiblia Yo Sawuleka

³ Kasi ku a txi thavela kona, awule a dayako m'thu ngu phango, i si nga ngu kumaha khakwenye, a txi ti hulukisa ka mphoteli wa mnoha.

Joxuwa 20:3 Referans Kwoze

Levhi 4:2

Womba ka vanana va ka Israyeli u txi khawe: Ngako m'thu a txi onha ngu kulunduma, e maha ti ti tsimbwako ngu Mlayo wa Mkoma, e maha ti ti si lavekiko kumahwa;

Mitengo 35:12

Madhoropa awa, awu a no daya m'thu ngu phango a na ya sisala ka ona, a txi thava vaphoteli, kasi ku asi fi, eza e lamulwa, masoni ka msengeletano.

Joxuwa 20:2

“Gela vanana va ka Israyeli u txi khawe: Sawulani madhoropa a wuthavelo, aawa ni nga mi gela ngu txisofu txa Mosi:

Joxuwa 20:4

Se a txi thavela ka dimwedo da ona madhoropa awa, a na ya bwaka a txi ema ha txikeni ka didhoropa, a txi xawutela mhaka yakwe hagari ka madhota a dona didhoropedo. Se vona va na mu amukela didhoropani kwawe, va txi mkomba wukhalo wu a no zumba ka wona hagari kwawe.

Mitengo 35:19

Mphoteli wa mnoha a na daya apune m'dayi, ngu ditshiku di a mmanako.

Mitengo 35:22

Aniko ngako a txi retha m'thu ngu phazamo, awu i singako mlala wakwe, mwendo ku mrinza txo maha ngu phazamo;

2 Samuwele 14:11

Se wamsikati a to khene: Ni kombela ti to awe mfumeli u alakanya Mkoma, Txizimu txako, kasiku vawukeli va mnoha va si engeteli dikhombo diya ngu kudaya mwanana wangu. Sekoko mfumeli a to khene: A na hanye Mkoma, hambi msisi wawumwewo wa mwanana wako kha wu na mbi wa hahatshi.

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.