Joxuwa 2:9 - Bhiblia Yo Sawuleka

⁹ Se a txi ya khene ka vavamna vale: “Na tiziva ti to Mkoma a mi ningile ditiko diya, ni ti to kuthisa kwanu ku txitimwi kwathu, niku votshe vaaki va ditiko va gumile mtamo masoni kwanu.

Joxuwa 2:9 Referans Kwoze

Eksodha 23:27

Ni na rumela kuthava masoni kwako, ni na hangalasa vathu votshe kotshe amu u no maneka u txi wulela kona, kambe ni na maha ati to votshe valala vako va txi kutshuralela va txi tutuma ngu kuthava.

Dhewuteronome 2:25

Kukhukhela ka nyamsi, ni na khata kuthela dizowa, ni txidhukisa, ngu ngawe, otshe matiko awa ma ku hahatshi ka nzuma. Vathu va kona va na engisa nduma yako, va txi dhudhumela ngu dizowa masoni kwako, ve guma mtamo.

Jeremiya 27:5

Ngani ni nga va nga ditiko, ni vathu, ni sihari si si kuho ha mafuni, ngu mtamo wangu wa hombe ni diwoko dangu di nga nawuluka, na si ninga ka wu ni randako ku mninga.

Ekleziyaste 8:12

Hambi ku ngako muonhi a txi maha kubiha dizana da sikhati, ni masiku akwe me tala, ani na tiziva ngu ditshuri ti to avale va thavako Txizimu, va na kateka, nguko kuva ve thava masoni ka Txizimu.

Masalmo 115:16

Nzuma yi lumba Mkoma, aniko mafu a ma ningete ka vanana va vathu.

Masalmo 112:10

M'thu wo biha, a txi na ti wona tiya, a na henya; a na gegeresela makwasa e ti sotela; Kunavela ka vathu vo biha ku na fuva.

Jobe 19:25

Nguko na tiziva taku Mtiruli wangu wa hanya, niku ngu kugwitisa a na ema txitimwi ka mafu.

Joxuwa 2:11

Ngako hi di ti pfite eto, timbilu tathu ti to tsivala, se kha ku nga ni wammweyo wo tsana, ngu mhaka ya kumaneka kwanu; nguko Mkoma, Txizimu txanu, Njizimu txitimwi nzumani ni hahatshi mafuni.

Genesisi 35:5

Vona va to khukha ha wugoveloni hale va nga ti kona, se Txizimu txi to thela dizowa da hombe, ka vathu va madhoropa otshe ma nga ti hafuhi, ti to ku si maneki m'thu ni wammweyo wa kutsana a txi londeta Jakobe ni ngamu yakwe.

Matewu 20:15

Ina kasi kha ni nga ni fanelo yo maha kuranda kwangu ngu si i ku sangu kani? Mwendo awe wo va u di ni diso do biha, ngu kuva ani ni di wamnene kani?’

Nahume 2:10

A na sala i ti diphanga, a di gumile, i di marumbi; se mbilu ya bhibhika, ni mazolo ma dhudhumela, kambe wotshe msana wa panda; ni tikhohe tawe votshe ta kwalala.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

2 Vafumeli 7:6

Nguko Mkoma a to maha ti to Vasiriya ve pfa diguwa da sikotxikani ni mahantxhi, ku nga ova diguwa da dibutho da hombe; veza va txi kha vona hagari kwawe: Hi nga wonani mfumeli wa ka Israyeli, a ti ya xava vafumeli va Vaheti ni va Vaegipta, ku ta hi lwisa.

2 Vafumeli 5:15

Sekoko a to tshumelela ka m'thu wa Txizimu, ene ni votshe vale a nga ti ti navo, e ta bwaka masoni kwakwe a txi khene: Wona taku na tiziva taku ha mafuni kotshe kha ku na txizimu, hahanze ka Txizimu txa Israyeli. Konkuwa ni kombela u amukela txibongelo txa txithumi txako.

2 Samuwele 17:10

Sekoko hambi wamwamna wa mtamo, wa mbilu yo nga ya ngonyamo, kha ditshuri a na tsivala; nguko votshe va ka Israyeli va tiziva ti to tate wako a ni mtamo, ni vavamna vale a ku navo va ni mtamo.

Valamuli 7:14

Mngana wakwe a to xamula a txi kha ene: “Eto kha ti wombi yimwani mhaka, hahanze ka ditxhari da Gidhiyoni mwana Jowasi, Muisrayeli. Ngu ti to Txizimu txi ningete manzani kwakwe Vamidhiyani ni dotshe dibutho di ku wugoveloni.”

Dhewuteronome 32:8

Mbimo yi Nyatxitimwi a nga txi abanisela tithomba ka matiko, mbimo yi a nga hangalasela vanana va Adhamu, ene a vekile mihingano hagari ka vathu vakwe, madingano ni mtengo wa vanana va Txizimu.

Dhewuteronome 28:10

Se vathu va mafu otshe, va na ti wona ti to u dhanwa ngu ditina da Mkoma, va na kuthava.

Dhewuteronome 11:25

Kha ku na mbi va ni m'thu wo mi tsanela; Mkoma, Txizimu txanu, a na thela dizowa ni kudhudhumela ngu mhaka yanu, ka vathu va dotshe ditiko di mi no wulela ka dona, nga ti ene a nga mi gela.

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Vahebheru 11:31

Ngu likholo, Rahabhi wa digelegele, kha dawa kumweko ni vakanganyisi, nguko a amukete sinyengwani ngu kuthutha.

Mitengo 20:14

Mbimo si va ngadi Kadhesi, Mosi a to ruma mitumi ka mfumeli wa Edhomi, a txi khene: Mwananu Israyeli a khene: Awe wa ziva sotshe sikarato si hi nga humelwa ngu sona.

Mitengo 20:24

Kukhukhela kuwa, Aroni a na ya ti tshanganisa ni va ka kwawe, nguko ene kha na mbi sikota kuya wulela ka ditiko di ni nga ningela ka vanana va ka Israyeli; nguko mi kanetile dipswi dangu, a ni ka mati ka Meribha.

Joxuwa 2:8

Se na va si se otela, Rahabhi a to kwela a txi va yela hathala.

Joxuwa 2:24

Se va to kha vona ka Joxuwa: “Kha ditshuri Mkoma a ningete dotshe ditiko diya manzani kwathu, nguko hambi votshe vaaki va kona va gumile mtamo masoni kwathu.”

Joxuwa 9:9

Se va ka Gibheyoni va to mxamula, va txi kha vona: Sithumi sako sita ngu ka ditiko da kule ngutu, ngu mhaka ya ditina da Mkoma, Txizimu txako, nguko hi pfite nduma yakwe, ni totshe ti a nga maha kona Egipta;

Joxuwa 9:10

ni totshe ti a nga maha ka vafumeli vambidi va Vaamori, va nga ti mtxhatuko ka Jordhani, ka Seyoni, mfumeli wa Hesibhoni, ni ka Oge, mfumeli wa Bhasani, a nga ti akile Axitaroti.

Joxuwa 9:24

Sekoko va to xamula ka Joxuwa, va txi kha vona: “Ngako kha ditshuri ku nga ziviswa ka sithumi sako taku, Mkoma, Txizimu txako, a leletete Mosi, txithumi txakwe, ti to a txi mi ninga dotshe ditiko diya, ni kufuvisa votshe vaaki va ditiko masoni kwanu, hi ni kuthava ngutu ka wutomi wathu ngu mhaka yanu. Ngu mhaka yeto, hi mahile tiya.

Isaya 23:5

Kufana ni vavaphya va Egipta, ku nava ni kupanda ngako ku txi na pfala ta Tiro;

Joxuwa 5:1

Se ku to maheka taku, va di ti engisile votshe vafumeli va Vaamori, avale va nga ti akile mtxhatuko ka Jordhani, ngu mswa-ditambo, ni votshe vafumeli va Vakanana, avale va nga ti hafuhi ni linene lile Mkoma a nga ti omisile mati a Jordhani, masoni ka vanana va ka Israyeli, kala kuza hi pinda, timbilu tawe ti to txutxeka, ve wika misana ngu mhaka ya vanana va ka Israyeli.

Joxuwa 6:2

Sekoko Mkoma a to khene ka Joxuwa: “Wona! Ni ningete manzani kwako didhoropa da Jeriko, mfumeli wa dona, ni vavamna va dona, va tindena ta mtamo.

Nehemiya 6:16

Se ku to maheka tito, va di ti pfite valala vathu votshe, ni votshe vamatiko, vale va nga ti hi ranganyetile, va to dhuka, ve godhola ngutu masoni kwawe; nguko va ti zivile ti to Txizimu txathu ngu txona txi nga maha mthumo wuwa.

Esteri 8:17

Kambe ka otshe matiko a hombe ni ka otshe madhoropa ale di nga ti ti hoka dipswi da mfumeli ni txileleto txakwe, hagari ka Vajudha, ku ti ti ni kutsaka ni wudhundo, masiku a mibuso ya hombe ni a misakano; votala hagari ka vathu va ditiko, va to ti maha Vajudha; nguko Vajudha va ti ti vekelwa txithavo txa hombe.