Joxuwa 2:6 - Bhiblia Yo Sawuleka

⁶ Aniko ene, a ti ti va kwelisile hathala, a txi va sisile hagari ka tinyanda ta linyu, a nga ti ti veketete hathala.

Joxuwa 2:6 Referans Kwoze

Jakobe 2:25

Kufana ni toneto, nene Rahabhi, wa digelegele, ina kha mahwa mlulami ngu mithumo mbimo yi a nga amukela mitumi a txi yi tshumeta ngu yimwani nzila, kani?

Vahebheru 11:23

Ngu likholo, Mosi, a di velekilwe, a to ya siswa ngu vatate vakwe kuza kuguma mitxima yiraru, nguko va mu woni kutshura, va si khatali txilo ngu mthetho wa mfumeli.

Vakolosa 3:3

nguko anu mi fite, se wutomi wanu wu sisilwe kumweko ni Kristu, ka Txizimu.

2 Samuwele 17:19

Se msikati wakwe a to teka txifenengeto, e fenengeta txitimwi ka txisima, kambe e xwayela tindoho txitimwi ka txona, ngu kumaha keto, kha ka ziwa txilo.

Matewu 24:17

awule a manekako txitimwi ka nyumba, a nga txhike a ta ti tekela simaha sa nyumbani kwakwe;

Jeremiya 36:26

Se mfumeli a to laya tito, Bharuke, m'bhali, ni mprofeti Jeremiya va txi ñolwa ngu Jerameyeli, mwanana wa mfumeli, ni Seraya, mwana Aziriyeli, ni Xelemiya mwana Abdheeli, aniko Mkoma a to va sisa.

2 Vafumeli 11:2

Aniko Jehosebha, mwana mfumeli Jehoramu, ndiya ya Akaziya, a to teka Jowasi, mwana Akaziya, e mpfhukisa hagari ka vanana va mfumeli, va nga txi va dayela, se a to m'veka nyumbani kumweko ni mxayisi wakwe, a txi msisela Ataliya, ngu kumaha keto, kha va m'daya.

1 Vafumeli 18:13

Ina va ngava va sa m'gela nyamne wangu ati ni nga maha, mbimo yile Jezabheli a nga dayela vaprofeti va Mkoma, akule ni nga sisa 100 wa vaprofeti va Mkoma, ngu mtxhanu wa magumi, ni mtxhanu wa magumi ka maphala okari, na ni txi va ninga mapawu ni mati kani?

1 Vafumeli 18:4

nguko ku mahekile tito, mbimo yile Jezabheli a nga ti dayela vaprofeti va Mkoma, Obhadhiya a to teka 100 wa vaprofeti, se e sisa mtxhanu wa magumi kheno, ni vamwani va mtxhanu wa magumi kheya, amu ka diphala, e va dyisa ngu mapawu ni mati).

2 Samuwele 11:2

Se ku to maheka tito, ni minova, Dhavhidha a to wuka ngu ha m'bhedhuni kwakwe, e tsimbila-tsimbila txitimwi ka nyumba ya wukoma, kambe a di txitimwi ka nyumba a to wona wamsikati a txi kuwula; se wamsikati wuwa i ti wo tshura ngutu.

Joxuwa 2:8

Se na va si se otela, Rahabhi a to kwela a txi va yela hathala.

Dhewuteronome 22:8

Ngako u txi aka nyumba ya yiphya, u na bhiyela liangwa la kona; kasi ku nyumba yako yi si ku manisi mnandu wa mnoha, ngako ku txi wa m'thu ngu txitimwi ka yona, a txi fa.

Eksodha 2:2

Wamsikatiyo, a to mana txirumbu e veleka mwanana wa mfana, ngako a di woni ti to mwanana wa kona mbwo tshura, a to msisa ngu txipimo txa mitxima yiraru.

Joxuwa 2:5

Se ku to maheka taku, aha ku nga lava kusekwa matimba, na ku di phumile, vavamna vale va ti humile; kha ni kuzivi emo va nga ya kone vavamna vale; va londoteni ngu kukuluveta, mi na va mana.”

Joxuwa 2:7

Se vavamna vale, va to londeta tixoli ngu msana, ngu nzila ya Jordhani, kala mabeloni; se ku to sekwa ditimba, msana ka kuva va di humile avale vo londeta.

Joxuwa 6:25

Ngu kumaha keto, Joxuwa a to hulukisa Rahabhi, wule wa digelegele, ni va nyumba ya tate wakwe, ni sotshe sile a nga ti ti naso; se Rahabhi a to aka hagari ka va ka Israyeli, kala ka ditshiku da nyamsi, nguko a nga sisa sinyengwani sile Joxuwa a nga ti si rumile kuya xola Jeriko.