Joxuwa 2:4 - Bhiblia Yo Sawuleka

⁴ Aniko awule wamsikati a to teka vavamna vale vavambidi, e va sisa, se a txi khene: “Kha ditshuri, vavamnevo va tile hawa kwangu, aniko kha na tiziva ti to va ta ngu hani.

Joxuwa 2:4 Referans Kwoze

2 Vafumeli 6:19

Sekoko Elixa a to khene kwawe: Hi nga yona nzila ya kona, didhoropa kambe hi nga dona; ni londeteni ni na mi heleketa ka wamwamna wule mi mlavako. Se a to va heleketa Samariya.

Eksodha 1:19

Se vahefemulisi va to kha vona ka Faro: “Vavasikati va Vahebheru kha va fani ni vavasikati va Vaegipta; nguko vona va tsana, nava sanzi kuta vahefemuliswa, va ti hefemulisa vapune.”

Jakobe 2:25

Kufana ni toneto, nene Rahabhi, wa digelegele, ina kha mahwa mlulami ngu mithumo mbimo yi a nga amukela mitumi a txi yi tshumeta ngu yimwani nzila, kani?

Joxuwa 2:3

Konako mfumeli wa Jeriko a to ruma kuya gelwa Rahabhi a tito: Humisa vathuvo va nga ta kwako, ava va nga wulela nyumbani kwako, nguko va tela ku ta xola dotshe ditiko.

Joxuwa 2:5

Se ku to maheka taku, aha ku nga lava kusekwa matimba, na ku di phumile, vavamna vale va ti humile; kha ni kuzivi emo va nga ya kone vavamna vale; va londoteni ngu kukuluveta, mi na va mana.”

Joxuwa 6:17

“Didhoropa di na ruketelwa masoni ka Mkoma, dona ni sotshe si si ku ka dona; Rahabhi, awu wa digelegele, ngene ekha a no hanya, ene kumweko ni votshe vale va no maneka va diho nyumbani, nguko a sisile tixoli tile hi nga ti ruma.

Joxuwa 6:25

Ngu kumaha keto, Joxuwa a to hulukisa Rahabhi, wule wa digelegele, ni va nyumba ya tate wakwe, ni sotshe sile a nga ti ti naso; se Rahabhi a to aka hagari ka va ka Israyeli, kala ka ditshiku da nyamsi, nguko a nga sisa sinyengwani sile Joxuwa a nga ti si rumile kuya xola Jeriko.