Joxuwa 2:3 - Bhiblia Yo Sawuleka

³ Konako mfumeli wa Jeriko a to ruma kuya gelwa Rahabhi a tito: Humisa vathuvo va nga ta kwako, ava va nga wulela nyumbani kwako, nguko va tela ku ta xola dotshe ditiko.

Joxuwa 2:3 Referans Kwoze

2 Samuwele 10:3

Sekoko vathengeli va vanana va Amoni va to kha vona ka nyamne wawe Hanumi: Ina u alakanya taku, Dhavhidha a rumela vathu vava, ku ta kuthavelela ngu kuranda tate wako kani? Ina Dhavhidha kha rumela sithumi sakwe ku ta xola ni ku ta ziva didhoropa diya, kasi a txi na mana ku di hangalasa kani?

Mithumo 12:6

Ku ti ngako Herodha a txi pimisa ku mu humisa masoni ka vathu, ni wusiku wa kona Pedro a ti otete hagari ka masotxhwa mambidi, na a di sungilwe ngu titxhini timbidi, na kambe ha txikeni ka mkora ku ti ni vawoneleti.

Mithumo 12:4

Ngako a di mu ñote e mu beta mkorani, a to mningela e woneletwa ngu mune wa mitxawa, ayiya wumwewo ni wumwewo ka yona wu nga ti ni mune wa masotxhwa. A ti navela ku mu humisa masoni ka vathu, ngako Pasika yi di pindile.

Johani 19:4

Sekoko Pilato a to huma kambe, e va gela tiya: “Wonani, na mu humisa hahanze kufela ku mi ti wona ti to kha ni mani mnandu ni wawumwewo kwakwe.”

Jobe 21:30

Taku wo biha a xayiselwa ditshiku da kuhasamulwa, ni kuguletwa ngu ditshiku da txiviti kani?

1 Makronika 19:3

vathangeli va vanana va ka Amoni, va to kha vona ka Hanumi: Ina u alakanya ti to Dhavhidha wo xonipha tate wako, aku a nga kurumela vathaveleli kani? Ina sithumi sakwe kha si teli ku ta viya ni kuwonisisa ditiko kani?

Joxuwa 10:23

Se va to mtisela, nga toneto, ngu diphalani, vafumeli vale va mtxhanu: Mfumeli wa Jerusalema, ni mfumeli wa Hebroni, ni mfumeli wa Jarmuti, ni mfumeli wa Lakisi ni mfumeli wa Egloni.

Levhi 24:14

Humisa hahanze ka wugovelo m'thu wule a nga womba-womba mapswi o ruketela, votshe vale va nga mu engisa, va na sanzeke manza awe ha msungo kwakwe, se wotshe msengeletano wu na m'balisela ngu marigwi.

Genesisi 42:31

Aniko hi m'gete ku khathu: “Hi vavamna vavanene, kha hi nga sinyengwani;

Genesisi 38:24

Ngu msana ka mitxima yiraru, Judha a to ya gelwa ngu vathu va txi kha vona: “Tamari maane wako, ana ni txirumbu, a nga maha wugelegele, e txi mana ka wona wugelegelewo.” Sekoko Judha a to khene: “M'humiseni hahanze, kasiku e hiswa!”

Joxuwa 2:2

Sekoko ku to rumelwa dipswi ka mfumeli wa Jeriko, daku kha vona: “Wona taku wusiku wuwa, ahawa ku bwakile vavamna vokari va ka Israyeli, ku ta xola ditiko.”

Joxuwa 2:4

Aniko awule wamsikati a to teka vavamna vale vavambidi, e va sisa, se a txi khene: “Kha ditshuri, vavamnevo va tile hawa kwangu, aniko kha na tiziva ti to va ta ngu hani.

2 Samuwele 17:20

Si di hokile koko sithumi sa Abhisalome ka m'ti wa wule wamsikati, si to kha sona: Va hayi Ayimahasi ni Jonatani kani? Se wamsikati a to khene kwawe: Va txhatukile mnambo! Se va di va lavile, va si vamani, va to tshumela veya Jerusalema.

Valamuli 4:20

Se Sisera a m'gete a txi khene: Ema ha txikeni ka ditenda, se ngako ku txi ta m'thu a txi ta ku wotisa a txi khene: Waho m'thu wokari hawa kani? U na xamula u txi khawe ahim-him.