Joxuwa 2:24 - Bhiblia Yo Sawuleka

²⁴ Se va to kha vona ka Joxuwa: “Kha ditshuri Mkoma a ningete dotshe ditiko diya manzani kwathu, nguko hambi votshe vaaki va kona va gumile mtamo masoni kwathu.”

Joxuwa 2:24 Referans Kwoze

Eksodha 23:31

Ni na komba muhingano wako, kukhukhela ka Linene lo Bhilivila kala ka Linene la Vafilista, ni kukhukhela txiwulani kala mnamboni. Ni na ningela manzani kwako vaaki va ditiko donedo, ati to u na va tutumisa hafuhi kwako.

Mavingu 25:13

Awule a wombako ditshuri di a nga rumwa; a fana ni kutitila ka hunguva ya mbimo yo elula, nguko a tsakisa dihika da nyamne wakwe.

Joxuwa 5:1

Se ku to maheka taku, va di ti engisile votshe vafumeli va Vaamori, avale va nga ti akile mtxhatuko ka Jordhani, ngu mswa-ditambo, ni votshe vafumeli va Vakanana, avale va nga ti hafuhi ni linene lile Mkoma a nga ti omisile mati a Jordhani, masoni ka vanana va ka Israyeli, kala kuza hi pinda, timbilu tawe ti to txutxeka, ve wika misana ngu mhaka ya vanana va ka Israyeli.

Joxuwa 1:8

Dibhuku diya da mlayo u nga thuke u txi hambana nado; aniko zumba u txi di alakanya wusiku ni mitshikari, kasi ku u txi khutalela kuxayisa totshe ti ti nga bhalwa ka dona, nguko di kumaha u humelela ka totshe tinzila tako, se u tsimbila kha kwati.

Eksodha 15:15

Sekoko vathangeli va Edhomi va na dhukiswa; ka vale va mtamo ngutu va Mowabhi, va na talelwa ngu kuthava votshe vazumbi Vakanana va na guma mtamo.

Joxuwa 2:23

Ngu kumaha keto, vavamna vale va vambidi va to relela ngu mmangoni, ve txhatuka va txi ta ka Joxuwa, mwana Nune, va txi ta m'geletela totshe tile ti nga va humelela.

Valamuli 7:9

Se ka wona ewo wusiku, Mkoma a to gela Gidhiyoni a txi khene: “Khukha, u txi relela wugoveloni, nguko wugovelo ni na wu ningela manzani kwako.

Joxuwa 6:2

Sekoko Mkoma a to khene ka Joxuwa: “Wona! Ni ningete manzani kwako didhoropa da Jeriko, mfumeli wa dona, ni vavamna va dona, va tindena ta mtamo.

Joxuwa 8:1

Sekoko Mkoma a to khene ka Joxuwa: “U nga thave, kambe u nga xamale; teka otshe masotxhwa, u txi yalwa ni didhoropa da Ayi; wona taku ni ningete manzani kwako mfumeli wa Ayi, ni vathu vakwe, ni didhoropa dakwe, ni ditiko dakwe.”

Valamuli 1:2

Se Mkoma a txi khene: “I Judha a no kwela; wonani taku ni niningete ditiko diya manzani kwakwe.”

Valamuli 18:10

Mbimo yile mi no ya hoka, mi na ya mana vathu vo thembeka, kambe ditiko ndo anama ngutu; nguko Txizimu txi di ningete manzani kwanu; mbukhalo wu ku si pwatekiko ni txa tximwetxo, ka sile si kuho ha mafuni.”