Joxuwa 2:23 - Bhiblia Yo Sawuleka

²³ Ngu kumaha keto, vavamna vale va vambidi va to relela ngu mmangoni, ve txhatuka va txi ta ka Joxuwa, mwana Nune, va txi ta m'geletela totshe tile ti nga va humelela.

Joxuwa 2:23 Referans Kwoze

Joxuwa 2:22

Va to tsula koko, va txi ya hoka mmangoni, veya zumba kona masiku mararu, kala kuza valondeti vawe ve tshumela ve wuya; nguko valondeti va va xotile ka totshe tinzila, aniko kha va va mana.

Joxuwa 2:24

Se va to kha vona ka Joxuwa: “Kha ditshuri Mkoma a ningete dotshe ditiko diya manzani kwathu, nguko hambi votshe vaaki va kona va gumile mtamo masoni kwathu.”

Valamuli 18:9

Se vona va to kha vona: “Khukhani, he tsimbileni hi txi ya va wukela; nguko hi xote ditiko, se hi wona ti to dinene ngutu; mi ngadi mi verela txani kani? Mi nga kanakaneni kutsula mi txi ya teka ditiko diya.

Valamuli 18:10

Mbimo yile mi no ya hoka, mi na ya mana vathu vo thembeka, kambe ditiko ndo anama ngutu; nguko Txizimu txi di ningete manzani kwanu; mbukhalo wu ku si pwatekiko ni txa tximwetxo, ka sile si kuho ha mafuni.”