Joxuwa 2:18 - Bhiblia Yo Sawuleka

¹⁸ aniko ngako hi txi ta ditikoni muwa, se u si sungi ngoti yiya yo bhilivila ha difasitelani hale u nga hi txhikisa ngu kona; kambe u si tisi nyumbani tate wako ni mame wako, ni vananu, ni otshe maxaka a tate wako.

Joxuwa 2:18 Referans Kwoze

Joxuwa 6:23

Sekoko majaha ale a sinyengwani, ma to wulela ma txi ya humisa Rahabhi, ni tate wakwe, ni mame wakwe, ni vanawe, ni sotshe si a nga ti ti naso; va to humisa ni otshe maxaka akwe, va txi ya ma veka hahanze ka wugovelo wa ka Israyeli.

Joxuwa 2:21

Se Rahabhi a to khene: “Ti na maheke nga toneto mi wombisako tona.” Sekoko a to va leka va txi tsula; se e sunga ngoti yo bhilivila aha ka difasitela.

Vahebheru 9:19

Kha ditshuri, Mosi msana ka kuva a di huwelete ka vathu sotshe sirumo sa mlayo, a to teka mnoha wa marole ni wa tiphongo kumweko ni mati ni matoya o bhilivila ni mazokoro a hisopo e xwayela ngu wona dibhuku ni vathu,

Mithumo 10:33

Ngu konaho ni nga kuluveta kuruma vathu va ta kudhana. Se u tshambisile u nga ta. Konkuwa hi maneka hawa hotshethu masoni kwako, kasi kuengisa totshe ti Txizimu txi nga kuleleta tona.”

Levhi 14:4

mphaxeli a na ruma ti to awu a no basiswa, a na tiselwe sinyana simbidi so mbi yila, so hanya, ni didhavi da mkedhari, ni nguwo yo bhilivila, ni didhavi da hisope.

2 Timoti 1:16

Mkoma a na telwe ngu wumbilu ka mwaya wa Onesiforo, nguko sikhati so tala a ni rulisite mbilu, kha telwa ngu tingana ngu mhaka ya tingomondo tangu,

Mithumo 11:14

Ene a na kugela timhaka ti u no hanyiswa ngu tona, awe ni wotshe mwaya wako.’

Mithumo 10:27

Se a to wulela nayo, na va txi bhula votshe; se eya mana vathu vo tala na va di sengeletani nyumbani.

Luka 19:9

Jesu a xamute a txi khene: “Nyamsi kuhanyiswa kuwulete nyumbani muwa, nguko awuwa nene i mwanana wa Abrahamu.

Mitengo 19:6

Se mphaxeli a na teka dipulango da ndonga ya mkedhari ni hisope, ni nguwo yo bhilivila, e si rinza ha mndiloni hale ku hiswako homu.

Mitengo 4:8

Senkoko txitimwi ka sona va na ateta nguwo yimweyo yo bhilivila, ayile yi no fenengetwa ngu txifenengeto txa didhowo do hehuka. Msana keto, va na bethela sikhongwani sa meza.

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Genesisi 7:1

Msana keto, Mkoma a to khene ka Nowa: “Wulela ngalavani, awe ni mwaya wako, nguko ngawe wekha wo lulama ni kuwonako masoni kwangu, ka liveleko liya.

Esteri 8:6

Nguko ni na sikotisa kutxani kuwona wubihi wu wu no wela va ka kwathu kani? Ni ti to ni na sikotisa kutxani kuwona kuloviswa ka liveleko lathu kani?

Ndando ya Tindando 4:3

Txisofu txako txi fanana ni ngoti yo bhilivila, ni kuwombawomba kwako ka tsakisa; mathama ako hagari ka timbobo tako ma fana ni txikhwemu txa diromani.

Eksodha 12:13

Ti di ngeto, mnoha wu na va txikombiso txanu tinyumbani mu mi manekako ka tona: Ngako ani ni txi wona mnoha, ni na pinda ni txi ya masoni, ti to ku si maneki dikhombo hagari kwanu do lovisa, mbimo yi ani ni no peka ditiko da Egipta ngu lifo.

Joxuwa 6:25

Ngu kumaha keto, Joxuwa a to hulukisa Rahabhi, wule wa digelegele, ni va nyumba ya tate wakwe, ni sotshe sile a nga ti ti naso; se Rahabhi a to aka hagari ka va ka Israyeli, kala ka ditshiku da nyamsi, nguko a nga sisa sinyengwani sile Joxuwa a nga ti si rumile kuya xola Jeriko.