Joxuwa 2:14 - Bhiblia Yo Sawuleka

¹⁴ Sekoko vavamna vale va to mxamula va txi kha vona: “Wutomi wathu wu na dihela wutomi wanu kala kufani, ngako mi si landuli mhaka yathu; se ku na maheka koko taku, ngako Mkoma a txi hi ninga ditiko diya, hi na ku mahela wumbilu, ni kuthembeka.”

Joxuwa 2:14 Referans Kwoze

Matewu 5:7

Va katekile ava va ku ni wumbilu, nguko va na mahelwa wumbilu ni vona!

Mavingu 18:24

M'thu wu a ku ni vangana vavangi a nga ti tsakisa, kambe ku ni mngana wo thembeka ngutu kupinda mwanawe.

Genesisi 24:49

Ngu toneto, ngako mi txi ti lava kuvhuna nyamne wangu ngu wumbilu ni ditshuri, ni geleni, ngako mi si ti tsakeli, ni geleni kambe, kasiku ni tshumela, ni teka nzila ya txinene mwendo ya txibhabha.

1 Vafumeli 20:39

Se mprofeti a to peka huwa mbimo yile a nga ti pinda mfumeli Akabe, a txi khene: Ani txithumi txako ni humile hagari ka kulwa, se wamwamna wokari a to ni tisela mmwani wamwamna na a txi khene: “Wonelela wamwamna wuwa. A txo dhuka e pwateka, u na diha ngu wutomi wako, wukhaloni ka wutomi wakwe, mwendo kudiha ngu talenta yimweyo ya silivhela.”

2 Samuwele 9:1

Se Dhavhidha a to khene: Ina ku ni m'thu a nga sala ka nyumba ya ka Sawule, kasi ku ni mmahela wuxinji, ngu mhaka ya kuranda Jonatani kani?

1 Samuwele 20:8

Pfela wumbilu koko, txithumi txako, nguko u mahile ti to txithumi txako txi wulela ni nawe ka txitulelelano txa Mkoma; se ngako ku di ni wubihi wokari kwangu, ni daye awe wupune; ngu kutxani u lava ku ni heleketa ka tate wako kani?

Joxuwa 6:25

Ngu kumaha keto, Joxuwa a to hulukisa Rahabhi, wule wa digelegele, ni va nyumba ya tate wakwe, ni sotshe sile a nga ti ti naso; se Rahabhi a to aka hagari ka va ka Israyeli, kala ka ditshiku da nyamsi, nguko a nga sisa sinyengwani sile Joxuwa a nga ti si rumile kuya xola Jeriko.

Joxuwa 6:17

“Didhoropa di na ruketelwa masoni ka Mkoma, dona ni sotshe si si ku ka dona; Rahabhi, awu wa digelegele, ngene ekha a no hanya, ene kumweko ni votshe vale va no maneka va diho nyumbani, nguko a sisile tixoli tile hi nga ti ruma.

Joxuwa 2:13

txa ku mi na hulukisa tate wangu ni mame wangu, kumweko ni tindiya tangu ni vanathu, ni sotshe si va ku naso, ni ti to mi na hulukisa wutomi wathu ka lifo.”

Joxuwa 2:15

Sekoko Rahabhi a to va txhikisa ngu ngoti ngu ha difasitelani, nguko nyumba yakwe yi ti akilwe ngu txitimwi ka diguma da didhoropa, eho a nga ti zumba kona.

Genesisi 47:29

Mbimo yi Israyeli a nga ti hafuhi ni kufa, a to dhana Josefa mwanakwe, e m'gela tiya: Ngako u txi ni dhunda ngu ditshuri, veka dianza dako hahatshi ka dithumbi dangu, u txi ni thembisa ngu lirando ni wunene ti to u si ni tshotshi ditikoni muwa ka Egipta!

Joxuwa 6:22

Aniko Joxuwa a to womba ka vavamna vale vavambidi va nga ya xola ditiko, a txi khene: “Wulelani nyumbani ka wamsikati wule wa digelegele, mi txi ya humisa wule wamsikati, ni sotshe si a ku naso, nga ha mi nga xambanya kwakwe.”

2 Samuwele 2:5

Sekoko Dhavhidha a to rumela mitumi ka vavamna va Jebhesi-Gileyadhi, a txi khene kwawe: Manani kukateka anu ngu ka Mkoma, nguko mi mahile wunene wo nga tiya ka nyamne wanu, ka Sawule, kambe mi mtshotshile!

2 Samuwele 2:6

Konkuwa koko, Mkoma a na kombise wunene ni kuthembeka kwanu; nanani ni na mimahela wunene ewo, ngu kule mi nga maha eto.

Mavingu 14:22

Ina kha va hoheti avale va mahako to biha kani? Aniko kukateka ni kuthembeka ku na lumba vale va mahako tinene.

Mithumo 23:22

Sekoko mthangeli wa hombe a to mtshumeta mfana wuwa, e mlaya a txi khene: “U nga thuke u gela m'thu ti to u ni zivisile mhaka yiya.”