Joxuwa 2:12 - Bhiblia Yo Sawuleka

¹² Konkuwa koko, na mi kombela, ni xambanyeleni ngu Mkoma Txizimu, ngako ni nga mi mahela wumbilu, na nanu mi na mahela wumbilu nyumba ya tate wangu, se ni ningeni txikombiso txa ditshuri,

Joxuwa 2:12 Referans Kwoze

Joxuwa 2:18

aniko ngako hi txi ta ditikoni muwa, se u si sungi ngoti yiya yo bhilivila ha difasitelani hale u nga hi txhikisa ngu kona; kambe u si tisi nyumbani tate wako ni mame wako, ni vananu, ni otshe maxaka a tate wako.

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

1 Timoti 5:8

Awu asi khataleliko maxaka akwe, ngutu-ngutu ava i ku va mwaya wakwe, eyo a kanetile likholo, a bihile ngutu kupinda dihedheni.

Varoma 1:31

mahundwa, vaongi vo mbi na wuxaka,

Marku 14:44

Awule a nga ti mningela a ti va vekete txikombiso txiya: “Awule ni no mpswopswa, ngeneyo; mñoleni mi tsula nayo, mi txi mu woneleta ta tinene.”

Jeremiya 12:16

Ngako va di gondile tinzila ta vathu vangu, ti taku va txi xambanya ditinani kwangu, va txi kha vona: Mkoma a hanyako; nga ku va nga gondisa vathu vangu kuxambanya ngu Bhahali, sekoko va na maneka hagari ka vathu vangu.

Esteri 8:6

Nguko ni na sikotisa kutxani kuwona wubihi wu wu no wela va ka kwathu kani? Ni ti to ni na sikotisa kutxani kuwona kuloviswa ka liveleko lathu kani?

2 Makronika 36:13

Hahanze keto, a to wukela mfumeli Nebhukodhonosori, wule a nga ti ti mxambanyisile ngu ditina da Mkoma; kambe a ti bangisile msungo ni mbilu yakwe, asi tshumeleli ka Mkoma, Txizimu txa Israyeli.

1 Samuwele 30:15

Se Dhavhidha a to khene kwakwe: Ina u nga relela, u ni heleketa ka mtxawa ewo wa masotxhwa kani? Se a to khene: Xambanya ka Txizimu ti to khu na mbi ni daya, hambi ku ni ningela manzani ka nyamne wangu, se ni na relela ni kuheleketa ka mtxawa ewo wa masotxhwa.

Joxuwa 9:15

Se Joxuwa a to engisana navo e maha txitumelelano kumweko navo, txa ku a na va hulukisa; se vathangeli va msengeletano va to va mahela txixambanyo.

Joxuwa 2:13

txa ku mi na hulukisa tate wangu ni mame wangu, kumweko ni tindiya tangu ni vanathu, ni sotshe si va ku naso, ni ti to mi na hulukisa wutomi wathu ka lifo.”

Eksodha 12:13

Ti di ngeto, mnoha wu na va txikombiso txanu tinyumbani mu mi manekako ka tona: Ngako ani ni txi wona mnoha, ni na pinda ni txi ya masoni, ti to ku si maneki dikhombo hagari kwanu do lovisa, mbimo yi ani ni no peka ditiko da Egipta ngu lifo.

Genesisi 24:9

Sekoko txithumi txi to veka dianza hahatshi ka dithumbi da Abrahamu nyamne wa txona, txi txi mxambanyela mhakeyo.

Genesisi 24:3

kasi ku ni txi ku xambanyisa ngu Mkoma, Txizimu txa nzuma ni mafu, ti to u nga thuke u txi lowolela msikati mwanana wangu, hagari ka mahorana a Vakanana, ava ni nga zumba hagari kwawe;

Genesisi 21:23

Konkuwa, xambanya ngu Txizimu kwangu kona hawa, ti to khu na mbi womba makuhu, hambi ni mwanana wangu, mwendo mtukulu wangu; aniko u na thembeka kwangu ni ka dona ditiko diya u ku muwuyi ka dona, nga kule nani ni nga wona kuthembeka kwako.”

Genesisi 40:14

Kambe ni alakanye, ngako u txi humelela ngu nzila ya yinene; siza u txi ni mahela wuxinji, u ni kombelela ka Faro, kasiku e ni humisa ka yiya nyumba;

Joxuwa 2:19

Ku na maheka koko taku, ni wihi a no huma ha txikeni ka nyumbani yako, mnoha wakwe wu na va txitimwi ka msungo wakwe, se athu kha hi na mbi va ni mnandu; aniko ni wihi a no va ni nawe nyumbani, mnoha wakwe wu nave txitimwi ka misungo wathu, ngako a txi dawa.

Joxuwa 6:22

Aniko Joxuwa a to womba ka vavamna vale vavambidi va nga ya xola ditiko, a txi khene: “Wulelani nyumbani ka wamsikati wule wa digelegele, mi txi ya humisa wule wamsikati, ni sotshe si a ku naso, nga ha mi nga xambanya kwakwe.”

Valamuli 1:24

Se tixoli ti to wona wamwamna wule a nga ti ti huma ngu didhoropani, se ti txi m'gela ku kha tona: “Hi kombe txike txo wulela ngu txona didhoropani, se athu hi nava ni wumbilu ni nawe.”